“Сочи-2014”. Бүгүн, 10-февралда 5 комплект медаль ойнотулат

24:00дө фристайл боюнча мелдештер орун алат.

21:00дө биатлон боюнча уландар 12,5 чакырым аралыкты басып өтүп, өз күчтөрүн сынашат.

Коньки менен чуркоо спортунда бүгүн, 10-февралда 500 метрликте уландар күч сынашат. Ага 20:55те орун берилет.

Коньки менен кыска аралыкка жарышуу спорту боюнча 1500 метр аралыкка жарышуу боюнча да медаль ойнотулат. Башталышы - 18:05.

Лыжа спортунун суперкомбинация түрү боюнча жарыштар 19:00дө башталат.

Кёрлинг спорту боюнча уландар жана кыз-келиндер арасында мелдештер өтөт. Жарыштарга Бишкек сааты боюнча 11:00дө, 16:00дө жана 21:00дө старт берилет.

Бүгүн, 10-февралда “Сочи-2014” Олимпиадасында 8 түрдүү жарыштарда 5 спорт түрү боюнча медалдар ойнотулат. Маалыматка ылайык, спорт сүйүүчүлөрү кёрлинг, лыжа спорту, коньки менен кыска аралыкка жарышуу, биатлон, фристайл спорт түрлөрү боюнча мелдештерге күбө боло алышат.

Автор: Максат Кудайбердиев