“Сочи-2014”. Олимпиадада жыгылып жаракат алган Дмитрий Трелевский жана башка 15 спортчу (фоторепортаж)

Александр Колетти алган жаракатынан улам тик учак аркылуу ооруканага жөнөдү.

Бул биатлон боюнча кыздар арасындагы жарыш. Грета Лаурен (Италия) жыгылып, атаандаштарынан артта калууга мажбур болду.

Тоо-лыжа спортунда жыгылуулар көп катталууда. Кытайлык Сюй Вэньлун да мелдеш учурунда жаракат алып, өнөктөштөрүнүн жардамы менен гана аянттан чыгып баратат.

Же токтоорун, же багытын өзгөртөрүн билбей калган канадалык Микаэл Кингсбери жыгылууга мажбур болду.

Бул көрүнүш дагы машыгуу учурунда катталган. Италиялык Елена Фанчини жогорку ылдамдыкта келип, тосмого урунду.

Орусиялык спортчу Антон Гафаров жыгылганда буту эмес, лыжасы сынып кеткени таң каларлык...

Түштүк Кореянын желеги астында жарышка чыккан Ким Юн Хо коньки тээп жарышууда кайрыла албай калды. Бул анын жогорку ылдамдыкта тең салмактуулукту жоготкону менен байланыштуу.

Чехиялык сноубордчу Сарка Панкочова (оңдо) слоупстайл стилинде жыгылып, өнөрүн аягына чейин көрсөтө алган жок.

Сочиде орусиялык спортчулардан биатлон спортунда Екатерина Шумилова жыгылып, жаракат алды.

Тоо-лыжа спорту боюнча машыгуу өткөрүп жаткан америкалык Лорен Росстун жыгылуусу ал жолдун түздөлүүсүнө шарт түздү.

Германиялык спортчу Зеверин Фройнд да трамплинден секирүү маалында жыгылып, мара сызыгына жетпей калды.

Норвегиялык спортчу Андерс Якобсен лыжа менен трамплинден секирүү маалында алгачкы аракетинде эле жер кучактай жыгылды.

Украиналык биатлончу Андрей Дериземля үчүн Сочинин жолдору өтө татаал болду. Ал арты-артынан жыгылып жатты.

Америкалык спортчу, сноуборддун хафпайп стилинде "Турин-2006" жана "Ванкувер-2010" Кышкы Олимпиадаларында алтын медаль тагынган Шон Уайт мелдеш учурунда жыгылып, медалсыз калды.

Парагвай да Кыргызстан сыяктуу эле "Сочи-2014" Олимпиадасына 1 гана катышуучуну жиберген. Тагдырлар окшош чыгып, парагвайлык Хулия Марино да жаракат алды.

Кыргызстандын атынан чыгып жаткан жалгыз спортчу Дмитрий Трелевский машыгуу учурунда жаракат алып, ооруканага жеткирилди.

Кечээ, 12-февралда “Сочи-2014” Кышкы Олимпиадасына Кыргызстандын атынан аттанган жалгыз спортчу Дмитрий Трелевский машыгуу учурунда жаракат алып, Олимпиадага катышуу мүмкүнчүлүгүнөн ажырады.

Кызыгы, Дмитрий Трелевский Олимпиадада жыгылгандардын жана жаракат алгандардын биринчиси да, акыркысы да эмес. Буга чейин төмөнкү 15 спортчу да жыгылып, айрымдары жаракат алышты. Алар Сочиден медаль менен эмес, көз жаш менен кайтмай болушту.

Спортчулардын ичинде буга чейинки Олимпиадада чемпион болгондор да, Трелевский сыяктуу эле өлкө желегин желбиретүүгө жалгыз аттангандары да бар.

Автор: Максат Кудайбердиев

13:33 13-02-2014

Жазылуу

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 1022 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 906 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3584 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 1085 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1775 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 677 0

Архив

Комментарийлер (18)

asiret

2014-02-13 14:03:07

Багы жокко дагы жок дегендей жалгыз спортчубуз болсо ал да кырсыктап калганын кара

lusi2013

2014-02-13 15:09:53

asiret, отдуши ниетинен кеткен эмес,катышса деле места алмак эмес да даярдык жок даярдык

-1

aikow92

2014-02-13 14:09:55

Биз жалгыз эмеспиз!!! "Парагвай да Кыргызстан сыяктуу эле "Сочи-2014" Олимпиадасына 1 гана катышуучуну жиберген. Тагдырлар окшош чыгып, парагвайлык Хулия Марино да жаракат алды" ха-ха-ха анан у-у-у(ыйлап атам-недовольнаямын)

-3

zilish_kg

2014-02-13 14:18:15

жалгыз биздин эле спортчубуз эмес экенго жаракат алган! Кырсык каш кабактын ортосунда дейт коп турдуу сын создорду айтып жазбастан ийгилик каалап кетели туугандар ...

dojdik

2014-02-13 14:28:10

Замена табылды болдар . Евгений барат шанс бар

Shamdagai2013

2014-02-13 15:40:01

Значит Сочиде Лыжа аянтчасын начар даярдашкан,Кар жаабай коюп уят кылды го,Россия жооп бериш керек,бир эмес,канчалаган адамдар жыгылыптыр

Stern

2014-02-13 17:19:19

Ийгилик сага Евгений! Дмитрий сакайып кетсин. Жаман болуп атса керек спортчунун карьерасындагы бийиктике жакын барып жаракат алып катышпай калуу. андан дагы бир мамлекеттин умутун актай албай калуу.

azat_sokrat

2014-02-13 18:11:21

негизи сочи олимпиадасына арнылып курулган муз талаасы копчулуктун конулунон чыкпай жатат коп нерселери талапка жооп бербейт!

Sheva

2014-02-13 19:47:22

Катышса деле финишке жетпей калатго деп жаттым эле, финиш тугул стартка жетпей калыптырго)). Бирок бул спортчунун куноосу эмес, бул Акаев-Бакиевдин куноосу;))

Kg_7777

2014-02-13 22:51:58

Sheva, ойносонда ойлоп суйлосон сенин ойунада келбегендир олимпиадага баруу

Savai80

2014-02-13 20:16:35

Бакиев куноолуу

nusu95

2014-02-13 22:08:05

Savai80, эмнеге??

kadyrkulkg

2014-02-13 22:15:19

Жакшы катышпастан туруп жаракат алыптыр,катышканда омуруно зыян келуусу точна экенле СЕБЕБИ:даярдык жок чоон бир олимпиадага катыша турган спортчу машыгуу учурунда жаракат алавы?!тилеп алган баламы эчки тээп олтурду болуптурда!

Kg_7777

2014-02-13 22:54:48

kadyrkulkg, ечки емес чымын чагып олтурот ниетинди ондобосон олимпиадага кочолон алып бармак беле меени иштетиш керек кичине тилим бар деп еле суйлой бербей

tokmok.93

2014-02-13 22:43:48

мында эми эмне куноо муну дагы туура кабыл алыш керек озу дагы ынгайсыз болуп жатса бул жактан силер куноолоп талап жатсанар туура эмес болуп калды.албетте баарыбыз катышпай калганына окундук бирок бул атайлап кылбады кырсык каш кабактын ортосунда дейт.ошондуктан кийинки спортчубуздан ийгиликти кутолук........

Kg_7777

2014-02-13 22:57:41

tokmok.93, ен туура колдооо керек туугандар сасыбай сага кошулам токмок

algajawoo

2014-02-13 23:46:28

Бул менимче спортчулардан эмес жаратылыш

madazimova92

2014-02-14 17:57:09

Жамандабай эле койгулачы аны и так озу да ынгайсыз абалда б.со к.к бир адамдын эмес бутундой бир мамлекетин ишеничин актай албай калганын ойлоп

Комментарий калтыруу үчүн өз ысымыңыз менен кириңиз же каттоодон өтүңүз.