“Сочи-2014”. Бүгүн, 17-февралда 7 комплект медаль ойнотулат

Бобслей спорту

Бүгүн, 17-февралда “Сочи-2014” Олимпиадасында 7 комплект медаль ойнотулат. Бул тууралуу Олимпиаданын расмий сайты билдирет.

Маалыматка ылайык, бул күнү биатлон, бобслей, лыжа менен трамплинден секирүү, сноуборд, муз үстүндө бийлөө жана фристайл спорт түрлөрү боюнча Олимпиада чемпиондору аныкталат.

Оюндардын тизмеси жана башталыш сааттары:

Биатлон (Бишкек убактысы боюнча 12:00дө башталат. Уландар арасында масс-старт 15 чакырымга, кыз-келиндер арасында 12,5 чакырымга).

Бобслей (Экиден жарышуу. Биринчи жарыш 18:30да, экинчи жарыш 22:05те башталат).

Кёрлинг (11:00. Кыз-келиндер жана уландар арасында 11-12-сессиялардагы беттештер орун алат. Жалпы 11 беттеш).

Лыжа менен трамплинден секирүү (Уландар арасында командалык жарыш. 23:15те алгачкы жарыштар, 00:22де финал орун алат).

Сноуборд (13:00дө старт алат. Уландар арасында жарым чейрек финал, чейрек финал, жарым финал жана финал орун алат).

Муз үстүндө бийлөө (21:00. Уландар арасында эркин бийлөө).

Фристайл (19:45. Акробатика).

Хоккей (Кыз-келиндер арасында жарым финалдык оюндар болот.18:30да АКШ-Швеция, 23:00дө Канада-Швейцария оюну орун алат).

Автор: Максат Кудайбердиев