УЕФАнын Чемпиондор Лигасында ПСЖ менен “Барселона” чейрек финалга ийгиликтүү кадам таштады

Мындай ири эсептеги жеңиш коноктор үчүн да күтүүсүз болгонун алардын маанайынан билүүгө болот.

Эсеп 3:0 болуп турган 59-мүнөттө "Байердин" оюнчусу Эмир Спахич кызыл айып кагазын алып, оюндан четтетилди.

ПСЖ атаандашынын дарбазасын алгачкы мүнөттөрдөн тарта бутага алып, оюндун биринчи бөлүгүндө 3 гол киргизүүгө жетишти. Ибрагимович 2 гол киргизип, бомбардирлер тизмегинде 10 гол менен биринчи сапка чыкты.

Оюндун акыркы мүнөттөрүндө гол киргизген Даниэл Алвес өзүн коомчулуктун эсине дагы бир ирет сала алды.

Жаракатынан эми гана айыгып, мурунку калыбына келип калган Лионель Месси 11 метрлик айып соккусунда жаза баскан жок. Эсеп 0:1.

Оюндун биринчи бөлүгү 0:0 эсебиндеги тең чыгуу менен аяктаган. Айыгышкан күрөш 90 мүнөт бою уланды.

Кечээ, 18-февралда орун алган УЕФАнын Чемпиондор Лигасынын жарым чейрек финалдык оюндарында франциялык ПСЖ менен каталондук “Барселона” футболдук клубдары атаандаштарын ишенимдүү түрдө жеңип, чейрек финалга ийгиликтүү кадам таштады. Бул тууралуу УЕФАнын расмий сайты билдирет.

Маалыматка ылайык, “Барселона” конокто англиялык “Манчестер Ситини” 0:2 эсебинде утуп алды. Ал эми германиялык “Байерге” конокко барган франциялык ПСЖ атаандаштарына өз үйүндө бир гол киргизүү мүмкүнчүлүгүн берген жок. 4:0 эсебинде конокто жеңишке жетишип, франциялыктар бир буту менен чейрек финалга чыкты.

Катталган жыйынтыктар:

“Манчестер Сити” (Англия) – “Барселона” (Испания) – 0:2

Голдор: Лионель Месси (54 мүнөттө), Даниэл Алвес (90).

“Байер” (Германия) – ПСЖ (Франция) 0:4

Голдор: Блез Матюйди (3), Златан Ибрагимович (39, 42), Йоан Кабай (88).

Бул командалардын ортосундагы чейрек финалга өтүү үчүн бүгүн, 19-февралда УЕФАнын Чемпиондор Лигасында дагы 2 оюн болот.

01:45. “Арсенал” (Англия) – “Бавария” (Германия).

01:45. “Милан” (Италия) – “Атлетико” (Мадрид, Испания).

Автор: Максат Кудайбердиев