Бүгүн, 25-февралда УЕФАнын Чемпиондор Лигасында орусиялык “Зенит” германиялык “Боруссияны” кабыл алат

Бүгүн, 25-февралда УЕФАнын Чемпиондор Лигасынын жарым чейрек финалынын алкагында орусиялык “Зенит” германиялык “Боруссияны” (Дортмунд), грециялык “Олимпиакос” англиялык “Манчестер Юнайтедди” кабыл алат. Бул тууралуу УЕФАнын расмий сайты билдирет.

Маалыматка ылайык, “Зенит”-“Боруссия” (Д) тиреши Бишкек убактысы боюнча 23:00дө башталса, “Олимпиакостун” “МЮга” каршы беттешине 01:45те старт берилет.

Эске салсак, бул командалардын ортосундагы жооптук оюн 19-мартта өтөт. Үйдө жана конокто катталган эсеп катыштыгынын жыйынтыгында чейрек финал ээси белгилүү болот.

Автор: Максат Кудайбердиев