УЕФАнын Чемпиондор Лигасында “Манчестер Юнайтед” конокто, “Зенит” өз үйүндө утулду

"МЮнун" оюнчулары жооптук

"МЮнун" коргоочусу Крис Смоллинг үй ээлеринен Эрнан Перес менен кезектеги күрөшкө түшүүдө.

Ал эми грециялык “Олимпиакос” менен англиялык “Манчестер Юнайтеддин” беттешинде экинчи голдун автору Жоэл Кэмпбелл "Олимпиакостун" экинчи голун киргизип, чейрек финалга ойнотулган жолдомо үчүн команданын мүмкүнчүлүгүн арттыра алды.

"Боруссиянын" башкы машыктыруучусу Юрген Клопп шакирти Роберттин мыкты формада экенин белгилеп өттү.

71-мүнөт. Роберт Левандовски "Зениттин" эсепти теңөөгө болгон аракетине чекит коюп, өзүнүн экинчи, команданын төртүнчү голун жаратты.

69-мүнөт. Бул ирет үй ээлеринен Халк эсеп катыштыгын 1 голго кыскартты.

61-мүнөт. "Боррусиянын" кезектеги голун жаратып, Роберт Левандовски эсепти 3:1ге жеткирди.

57-мүнөт. Оюндун экинчи жарымында гана күчкө келген "Зениттен" алгач Олег Шатов айырмаланды.

5-мүнөт. Алгачкы 5 мүнөттө "Зенит" тарабынан кетирилген экинчи ката жана коноктордун иштиктүү оюну. Бул ирет Марко Ройс эсеп катыштыгын 2:0гө жеткирди.

4-мүнөт. Генрих Мхитарян оюн эсебин ачып, "Боруссияны" алдыга сууруп чыкты.

Кечээ, 25-февралда УЕФАнын Чемпиондор Лигасынын жарым чейрек финалынын алгачкы оюндары орун алып, орусиялык “Зенит” германиялык “Боруссияга” өзү үйүндө 2:4 эсебиндеги ири жеңилүүгө туш болду. Ал эми грециялык “Олимпиакос” өз үйүндө англиялык “Манчестер Юнайтедди” 2:0 эсебинде утуп алды.

Эске салсак, бул командалардын ортосундагы жооптук оюн 19-мартта өтөт. Үйдө жана конокто катталган эсеп катыштыгынын жыйынтыгында чейрек финалга чыкчу командалар белгилүү болот.

Дэвид Мойес, “Манчестер Юнайтеддин” башкы машыктыруучусу: “Биз өтө начар ойнодук. Бизди азыр үмүттөндүргөн жооптук беттеш гана болууда. Бул жеңилүү боюнча жоопкерчиликти өз моюнума алам жана жооптук оюнда жакшы жыйынтык көрсөтөбүз деп ишенем".

Юрген Клопп, дортмунддук “Боруссиянын” башкы машыктыруучусу: "Бул беттеште оңой жеңишке жетиштик деп айтуу кыйын. Чейрек финалга чыгарыбыз тууралуу айтуу эрте. Биз өз үйүбүздө да мыкты оюн көрсөтүүгө тийишпиз. Негизи, беттештин башында “Зениттин” оюнчулары бошоңдук кылып, 2 гол киргизүүбүзгө шарт түзүштү".

“Зенит” (Орусия) – “Боруссия” (Д, Германия) – 2:4

Голдор: Генрих Мхитарян (4-мүнөттө), Марко Ройс (5-мүнөт), Олег Шатов (57-мүнөт), Роберт Левандовски (61-мүнөт), Халк (69-мүнөт), Роберт Левандовски (71-мүнөт).

“Олимпиакос” (Греция) – “Манчестер Юнайтед” (Англия) – 2:0

Голдор: Алехандро Домингес (38-мүнөт), Жоэл Кэмпбелл (55-мүнөт).