"Дарыгерди ур-токмокко алган" деп айыпталган ЖКнын депутаты Нурбек Мурашев менен анын инисине кылмыш иши козголду

Кечээ, 26-февралда КРнын Башкы прокуратурасы "дарыгер Жамал Тургунбаевди ур-токмокко алган" деп айыпталган ЖКнын депутаты Нурбек Мурашев жана анын иниси Н.Мамбеталиевге КРнын Кылмыш-жаза кодексинин “ээнбаштык” беренеси боюнча кылмыш ишин козгоду. Бул тууралуу Башкы прокуратуранын басма сөз кызматы жарыялады.

Маалым болгондой, 2014-жылдын 10-февралында депутат Нурбек Мурашевдин инисинин аялы А.Арстанбек кызы Улуттук госпиталдын неврология бөлүмүнө жаткырылган. 12-февралда бейтаптын ден соолугу начарлагандыгынан жандандыруу бөлүмүнө которулган.

13-февралда саат 11:00 чамасында Жогорку Кеңештин депутаты Нурбек Мурашев менен анын иниси Н.Мамбеталиев Улуттук госпиталдын неврология бөлүмүнүн башчысы Жамал Тургунбаевди ур-токмокко алышкан. Жаракат алгандыктан, дарыгер Тургунбаев Улуттук госпиталга жаткырылган.

Ошол эле күнү депутат дарыгерге кол көтөрбөгөнүн айтып, туура эмес диагноз койгону үчүн Жамал Тургунбаевди соттоторун билдирген.

ЖКнын депутаты менен дарыгердин ортосундагы чырдашуунун себеби болгон аял 14-февралда көз жумган.

Белгилей кетсек, Жогорку Кеңеште 6-февралда "Кумтөр" боюнча токтом кабыл алынган. Ага каттоодон өткөн 97 депутаттын 60ы "макул", 35и "каршы" добуш берди. Анда "Республика" фракциясынан депутат Нурбек Мурашев "каршы" добуш берген.

“Учурда КРнын Башкы прокуратурасынын Тергөө башкармалыгы кылмыш иши боюнча тергөө амалдарын жүргүзүп жатат”,- деп билдирди мекеменин басма сөз кызматы.

Автор: Нургазы Аматов

07:59 27-02-2014

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 746 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 923 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1189 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1139 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 608 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2292 0

Архив

Комментарийлер (9)

zman53

2014-02-27 09:20:06

Бугунку кундо дарыгерлер каалаганын жасап жатышат.Дарыгерге кириш учун акча,Ооруканага жатыш учун акча,дагы бирдеме берсен жакшы карамыш болушат.Адамдар айласы кеткенде ушундай ишке барышат.Коррупция врачтардын да арасында белчесинен баткан.Аларга да иш козгогондой закон жок окшойт да."Кайда барсан мамайдын кору".

zama.kj9

2014-02-27 09:23:14

zman53, туура айтасын кайда барсан мамайдын кору.

toobaldaru

2014-02-27 09:33:58

Копкон депутаттарга ушул бийликтин учурунда гана жаза берууго мумкун болуп калды. Мурда бир да депутаттын чачы кыйшайчу эмес. Эми бейбаш депутаттардын опкосун узуп, турмого чейин отургузуп атат АША. АША унчукпай жургону менен укругу кучтуу, кыйын киши экен.

-2

forestmen

2014-02-27 10:08:12

Биз даарыгерлерди озубуз уйротконбуз да айлайын Колун женил болсун, муну чай ичип кой деп. Орун жок болсо эптеп буга бирдеме кыл деп чонтогуно тутамдап салып атып. Анан кайра акчасыз даарылабайт деп ыйлайбыз.

Aidai2010

2014-02-27 10:22:00

Ким болбосун Закон чегинде иш алып барыш керек эле, бирок депутаттар оздорун карапайым элдин алда канча ойдо корушот.

boztalaa

2014-02-27 11:28:24

Кумторго каршы добуш бербегенде иш козголмок эмесда. Врачты соттомок ХХХХХ баары аман эле болушсунда

admin_superstan

2014-02-27 11:35:26

boztalaa - эскертүү!
Кимдир-бирөөгө ат коюп, мазактоого жол берилбейт!

Alicia

2014-02-27 11:31:57

Jakshy boluptur da bashka deputattarga da kichine sabak bolot.

-1

ralliya85

2014-02-27 12:44:52

Kumtorgo karshy dobush bergenin bul jerde ne tieshesi bar,karshy bergen dep sottotup jataby?ushu biyliktin adamdaryna toboo ishin tushposundaa.

Комментарий калтыруу үчүн өз ысымыңыз менен кириңиз же каттоодон өтүңүз.