Балбан Магомед Мусаев "Гран-При" мелдешинде коло медаль тагынды

Кыргызстандык балбан Магомед Мусаев Беларуста өткөн эркин күрөш боюнча "Гран-При" мелдешинде коло медаль тагынды. Бул тууралуу мелдештин расмий сайты билдирет.

Маалыматка ылайык, Мусаев 97 килограмм салмак категориясында чейрек финалда жеңилүүгө туш болгон. Аны уткан түркиялык Ризе Йылдырым финалга чыккандыгына байланыштуу Мусаев байгелүү орундар үчүн күрөш жүргүзүү мүмкүнчүлүгүнө ээ болгон.

Алгачкы аракетинде ал азербайжандык Хажи Алижановду утту. Андан соң коло медаль үчүн болгон кармашта Валерий Андрийцевдин үстүнөн жеңишке жетишти.

Автор: Максат Кудайбердиев