Акыркы сутка ичинде республика аймагында 8 өрт кырсыгы катталды

Акыркы сутка ичинде республика аймагында 8 өрт кырсыгы катталды. Бул тууралуу Өрткө каршы мамлекеттик агенттиги 4-мартта билдирди.

Маалыматка караганда, Бишкек шаарында 2, Чүй облусунда 2, Ош облусунда 1, Жалал-Абад облусунда 2 өрт кырсыгы катталган.

Ош облусунун Кара-Суу районунда шифер менен жабылган эки кабаттуу бастырманын чатыры күйүп кетти. Ошондой эле бастырманын ичиндеги 1000 боо жүгөрү бакалы, 100 түк чөп, 100 боо пахтанын сабактары, 4 даана жеңил унаанын дөңгөлөктөрү, 2 даана трактордун дөңгөлөктөрү өрттөнүп кеткен. Өрттүн келип чыгуу себептери такталууда.

Автор: Бекжан Рыскулов