Ош. Эркин жана грек-рим күрөштөрү боюнча өспүрүмдөр арасында мелдеш өткөрүлөт

14-16-мартта Ош шаардык мэриясы жана Ош шаарынын Дене тарбия жана спорт комитети тарабынан эркин күрөш, грек-рим күрөштөрү боюнча өспүрүмдөр арасында мелдеш өткөрүлөт. Ага республика боюнча 800дөн ашык спортчу катышат. Бул тууралуу бүгүн, 11-мартта Ош мэриясынын басма сөз кызматы билдирди.

Бул күндөрү Ош шаарындагы «Динамо» спорт-комплексинде эркин күрөш боюнча тирештер, ал эми "Алыш" спорт-комплексинде грек-рим күрөшү боюнча кармаштар орун алат.

Учурда иш-чараларды уюштуруу боюнча тиешелүү жетекчилер дайындалып, даярдык көрүлүүдө. Жеңүүчүлөр медалдан тышкары Дүйнө чемпиондугуна жолдомо ала алышат.

Автор: Айсана Паизова