5 жаштагы Байтик Учкунбеков изделет!

2013-жылдын 22-июнунда Токтогулдун Арым жайлоосунан жоголгон 2009-жылы туулган 5 жаштагы Байтик Учкунбеков изделет! Бүгүн, 11-мартта SUPER.KG порталына жардам сурап кайрылган Байтиктин атасы Учкунбек буларга токтолду:

"Уулум Байтикти 1 жаштан өтүп калганда атамдын инисине таштап, келинчегим экөөбүз Орусияга иштеп кеткенбиз. Башкача бала эле. Тартынбаган, сезимтал, өзүн чоң балдардай алып жүрчү.

Ошол каргашалуу күнү агам менен байланышып, "3-4 күндө апасы Кыргызстанга барат. Байтикти Бишкекке салып жибериңиздер" деп суранган элем. Алар Токтогулдун Арым жайлоосунда болчу. Эки күндөн кийин угузушту, баламдын жоголгонун. Дароо билет алып жетип келдик. Келерибиз менен милиция бөлүмдөрүнө кайрылып, издөө жарыяладык. Издөөгө ӨКМнын кызматкерлерин, жоокерлерди, тууган-туушкандарды тартып, жайлоодогу таш, суунун баарын карап чыктык. Эч кандай жик табылбады. Көзү ачыктарга чейин бардык. Баары эле сүйлөшүп алгансып "тирүү, бирөөнүн колунда" дешүүдө. Дагы бири "Ат менен жайлоодон алып түшүп, машинага салып, Аксы тарапка алып кетишкен. Айыл сыртында, кашарда жашап жатат" дегенинен таксисттерден сүрөтүн берип, чаптаттырдым.

Уулумду акыркы жолу ошол күнү бир чабан жайлоодо дөңсөөдө отурганын көргөн экен. Дагы бир окуучу кыз Суусамырдан көргөнүн айтты. Издөө салгандан кийин көптөгөн телефон чалуулар болду, "бул жерде жүрөт, менин колумда, келип алып кет" деген сыяктуу. Айткан жерине барсаң, телефонун өчүрүп салышат.

Жоголгонуна 9 айдын жүзү болду. Эч кандай жыйынтык болбой, эл-журттан жардам сурап кайрылып турган чагым. Уулум жоголгон күндөн бери келинчегим экөөбүздүн ичкенибиз ириң, жегенибиз желим болуп, көз жашыбыз токтобойт. Уулум Байтикти көрүп-билгендер болсо, бизге кабарлап койсоңуздар. Сөзсүз сүйүнчүсү болот!"- дейт көзүнө жаш алган ата.

Байланыш телефону: 0772 888295, Учкунбек Шаймерденов.

Автор: Дамира Арстанова

15:18 11-03-2014

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 935 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1042 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1268 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1239 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 660 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2416 0

Архив

Комментарийлер (10)

mamamia

2014-03-11 15:41:10

алахым жардам берсин кудай буйурса табылып калар сабыр кылыныз

33SUUN

2014-03-11 15:48:33

Аллахым жардам берсин сиздерге.Аман эсен табылып калсын сабыр кылып турунуздар.

alinevajnokg

2014-03-12 01:05:40

33SUUN, кечиресинер байкабай минус басылып кетти...Бала ылайым табылып калса экен Алла жардам берсин

nurali20

2014-03-11 19:31:55

Аллах жардам беришин тилейли туугандар!!!

tynara81

2014-03-11 22:57:02

Табылып калса экен байкуш, бир ширин мотурайган бала экен. Баланын өлүү тирүүсүн билбей отургандан өткөн азап барбы. Мен кызымды базардан жоготуп жиберип, 20-30 мүнөттөн кийин табылган, ошол убакытта эле жүрөгүм жарыла жаздаган.
Кудай колдоп табылып калса экен.

Beko87

2014-03-12 00:59:33

Апасы байкуш куйуп эле калды болуш керек.кайсы мерез кармап отурат экен.

aitowa11

2014-03-12 01:21:45

Табылып калсын эми.

Sonun90

2014-03-12 11:19:45

Эмнеси болсо да тируу болсун. Анан табылып калсынчы ылайым. Эгер ким уурдап кетсе кайра кайтарып эле бергени жакшы эгер тозок отуна куйгусу келбесе

Laro4ka

2014-03-13 09:07:51

Рахмат туугандар. Бир кабар болсо дароо супер инфого кабарлайбыз. Кудайдан тилегенибиз инибиз табылып бул кундор да артта калат деген ишенимдебиз!!!

aikomir

2014-03-14 02:27:27

Ооба, жердештери да чыгып, жайлоону туро кыдырышты жыйынтык жок. Ылайым аман-эсен, алты саны бутун табылса экен.

Комментарий калтыруу үчүн өз ысымыңыз менен кириңиз же каттоодон өтүңүз.