УЕФАнын Чемпиондор Лигасында “Бавария” менен “Атлетико” чейрек финалдык жолдомолорду илип кетишти (фото)

85-мүнөт. Диего Коста өзүнүн экинчи, оюндагы бешинчи голду киргизип, бул күндүн каарманына айланды.

71-мүнөт. Рауль Гарсия эсеп айырмачылыгын 2 голго жеткирип, "Миландын" чейрек финалга чыгуу үмүтүн такыр жокко чыгарды.

40-мүнөт. "Атлетико" кайрадан алдыга чыкты. Бул ирет түркиялык жарым коргоочу Арда Турандын голу менен...

27-мүнөт. Коноктордун капитаны Кака оюн эсебин теңеди.

"Атлетико"-"Милан". Болгону 3-мүнөт жана Диего Коста команданы кайрадан алдыга сууруп чыкты.

90-мүнөт. Оюнга жаңы гана чыккан Томас Мюллер 11 метрлик айып соккусун голго айландыра алган жок. Оюн эсеби 1:1 жана "Бавария" чейрек финалда.

57-мүнөт. "Арсеналдын" чабуулчусу Лукаш Подольски атаандаштарына орой ойноп, оюн эсебин теңеп жатат. Эсиңизде болсо, футболчу кезинде "Бавариянын" курамында ойноп кеткен.

"Бавария"-"Арсенал". 55-мүнөт. Бастиан Швайнштайгер "Арсеналдын" коргоочуларынын катасынан пайдаланып, оюн эсебин ачты.

Кечээ, 11-мартта орун алган УЕФАнын Чемпиондор Лигасынын жарым чейрек финалынын жооптук оюндарында “Бавария” лондондук “Арсеналды”, мадриддик “Атлетико” италиялык “Миланды” мелдештен четтетип, чейрек финалдык жолдомолорду илип кетишти. Бул тууралуу УЕФАнын расмий сайты билдирет.

Маалыматка ылайык, мюнхендик “Бавария” өз үйүндө лондондук “Арсеналды” кабыл алып, 1:1 эсебинде тең чыгуу катталды. 2 оюндун жыйынтыгында жалпы 3:1 эсебинде (алгачкы оюнда 0:2 эсебинде “Бавария” уткан) утуп, өткөн сезондун чемпиондору чейрек финалга жолдомо алышты.

Мадридде өткөн беттеште испаниялык клуб “Атлетико” италиялык “Миланды” кабыл алып, 4:1 эсебинде ири жеңишке жетишти. Алгачкы оюнда миландыктар өз үйүндө 0:1 эсебинде уттуруп жибергенин эске алсак, “Атлетико” жалпысынан 5:1 эсебинде жеңишке жетишип, чейрек финалга чыкты.

“Бавария” (Германия) – “Арсенал” (Англия) 1:1

Голдор: Бастиан Швайнштайгер (55-мүнөт), Лукаш Подольски (57-мүнөт).

“Атлетико” (Испания) – “Милан” (Италия).

Голдор: Диего Коста (3-мүнөт), Кака (27-мүнөт), Арда Туран (40-мүнөт), Рауль Гарсия (71-мүнөт), Диего Коста (85-мүнөт).