Бүгүн, 18-мартта УЕФАнын Чемпиондор Лигасында “Челси”-“Галатасарай”, “Реал”-“Шальке” беттештери орун алат

Бүгүн, 18-мартта УЕФАнын Чемпиондор Лигасынын жарым чейрек финалынын жооптук оюндары орун алат. Анда англиялык “Челси” өз үйүндө түркиялык “Галатасарайды”, испаниялык “Реал” германиялык “Шалькени” кабыл алат. Бул тууралуу УЕФАнын расмий сайты билдирди. Маалыматка ылайык, беттештер Бишкек убактысы боюнча 01:45те орун алат.

Эске салсак, бул оюндардын жыйынтыгы менен чейрек финалга 2 команда жолдомо алат. Алгачкы оюндарда “Челси” конокто “Галатасарай” менен 1:1 эсебинде тең ойносо, “Реал” конокто “Шалькени” 1:6 эсебинде утуп алган.

Автор: Максат Кудайбердиев