“Челси” жана “Реал” командалары УЕФАнын Чемпиондор Лигасынын чейрек финалына чыгышты

75-мүнөт. Оюнга чекит койгон голду Альваро Мората киргизди. Бул голго чейин Криштиану Роналду мыкты мүмкүнчүлүктөн пайдалана алган жок.

Икер Касьляс командасын голдон сактап калды.

Криштиану Роналду оюн эсебин 2:1ге жеткирип, "Реалды" кайрадан алдыга сууруп чыкты.

"Шалькенин" оюнчуларынан Тим Хоогланд айырмаланып, эсепти теңөөгө үлгүрдү.

"Реал"-"Шальке" беттеши. Криштиану Роналду 21-мүнөттө оюн эсебин ачып, сезондогу 12-голуна кол койду.

"Челсинин" курамында атактуулукка жеткен Дидье Дрогба күйөрмандарга ыраазычылык билдирип жатат.

"Галатасарайдын" чабуулдары жакшы жыйынтык берген жок.

Англия Премьер Лигасында акыркы оюнун уттуруп жиберген лондондук клуб "Галатасарайга" мүмкүнчүлүк калтырган жок.

Гари Кэхилл 42-мүнөттө эсеп айырмачылыгын 2 голго жеткирди.

Үй ээлери күчтүү оюн алып барышты. "Челсинин" лидери Эден Азар "Галатасарйдын" коргоочуларына каршы.

Самуэль Это`О "Челси"-"Галатасарай" беттешинин 4-мүнөтүндө эсепти ачты.

Кечээ, 18-мартта УЕФАнын Чемпиондор Лигасынын жарым чейрек финалынын жооптук оюндары орун алды. Бул тууралуу УЕФАнын расмий сайты билдирет.

Англиялык “Челси” өз үйүндө түркиялык “Галатасарайды” кабыл алды. Оюн 2:0 эсебинде жыйынтыкталып, лондондук клуб чейрек финалдык жолдомо ээси болду. Бул командалардын ортосундагы алгачкы оюн 1:1 эсебиндеги тең чыгуу менен жыйынтыкталган.

Ал эми Мадрид шаарында өткөн беттеште жергиликтүү “Реал” клубу германиялык “Шальке” менен беттешип, 3:1 эсебинде жеңишке жетишти. Эсиңизде болсо, бул командалардын ортосундагы алгачкы оюндарда “Реал” конокто “Шалькени” 1:6 эсебинде утуп алган.

“Челси” (Англия) – “Галатасарай” (Түркия) – 2:0

Голдор: Самуэль Это'О (4-мүнөттө), Гари Кэхилл (42-мүнөттө).

“Реал” (Мадрид, Испания) – “Шальке” (Германия) – 3:1

Голдор: Криштиану Роналду (21-мүнөттө), Тим Хоогланд (31-мүнөттө), Криштиану Роналду (74-мүнөттө), Альваро Мората (75-мүнөттө).