"Маңзат сатуу менен алектенет" деп шектелген кыргызстандык жаран Орусиядан камакка алынды

Косолап аттуу Алтай крайынын "криминалдык авторитети"

“Косолап” деген каймана атка ээ жергиликтүү "криминалдык авторитетке" баңгизаттарды ташып келип, сатууну пландаган” деп шектелип Кыргызстандын тургуну Орусиянын Алтай аймагынан кармалды. Бул тууралуу бүгүн, 21-мартта орусиялык басылмалар жазып чыгышты.

Маалыматтарга ылайык, кылмышка шектүү Косолап менен 5-10 килограммдан турган героиндин партияларын алып келүү боюнча макулдашкан. Ал буга чейин Казакстандын аймагын аралап, Кыргызстандан Алтайга баңгизаттарды алып келчү экен.

Учурда маңзат ташууну уюштургандар: Кыргызстандын тургуну жана Косолап камакка алынып, тергөө амалдары жүрүп жатат.

Автор: Нургазы Аматов