"Бишкек шаарындагы "Кыргыз коньягы" дүкөнүн тоногон" деп шектелип 23 жаштагы жаран кармалды

"Кыргыз коньягы" дүкөнүн тоногон" деп шектелген адам кармалды. Бул тууралуу Бишкек ШИИББинин басма сөз кызматы бүгүн, 26-мартта билдирди.

Маалыматка караганда, 43 жаштагы Бишкек шаарынын тургуну милицияга арыз менен кайрылган. Анда белгисиз адам “Кыргыз коньягы” дүкөнүнө кирип, сатуучуну тапанча менен коркутуп 5000 сом акча каражатын жана 1 бөтөлкө коньяк алып кеткен.

Бул факты боюнча ыкчам аракеттер жүрүп, Октябрь райондук милиция кызматкерлери тарабынан кылмышка шектүү изи сууй электе кармалды. Ал 23 жаштагы Бишкек шаарынын тургуну болгон. Учурда тергөө амалдары жүрүп жатат.

Автор: Бекжан Рыскулов