Жалал-Абадда мугалимдер арасында волейбол, стол үстүндөгү теннис боюнча мелдеш өтүүдө

Жалал-Абад облусунда жалпы билим берүүчү мектептердин мугалимдеринин арасында спорттун волейбол, стол үстүндөгү теннис, шахмат, ордо жана тогуз коргоол түрлөрүнөн облустук спартакиада өтүүдө.

Маалыматка ылайык, спартакиадага облустун район-шаарларынан 11 команда катышууда. Спорттук мелдеш өкмөттүн облустагы ыйгарым укуктуу өкүлүнүн аппараты жана облустук балдар жана өспүрүмдөр спорт мектебинин демилгеси менен өткөрүлүүдө. Бул тууралуу бүгүн, 31-мартта ыйгарым укуктуу өкүлдүн басма сөз катчысы Жакшылык Стамбеков маалымдады.

Автор: Айсана Паизова