УЕФАнын Чемпиондор Лигасы: “Челси” менен “Реал” жарым финалга чыкты

Ройстун аракети "Боруссияны" кийинки баскычка алып чыга алган жок.

Марко Ройс оюндун биринчи бөлүгүндө оюн эсебин 2:0 кылууга үлгүрдү.

"Боруссиянын" дарбазачысы Роман Вайденфеллер дарбазага болгон соккуларды үстү-үстүнөн тосуп жатты.

"Боруссия"-"Реал" беттеши. 17-мүнөттө "Реалдын" курамында Ди Мария 11 метрлик айып соккусунан гол жарата алган жок.

Златан Ибрагимович жаракаттан улам ойногон жок. Анын ордун Эдинсон Кавани толуктоого аракет кылды.

Биринчи оюнда өз дарбазасына гол киргизген Давид Луис "Челсинин" курамындагы активдүүлөрдүн бири болду.

Андре Шюррле оюн эсебин ачып жаткан маал.

Кечээ, 8-апрелде УЕФАнын Чемпиондор Лигасынын чейрек финалында лондондук “Челси” менен франциялык ПСЖнын жана мадриддик “Реал” менен дортмунддук “Боруссиянын” ортосунда жооптук оюндар болду. Көпчүлүк болжогондой, жарым финалдык жолдомо ээлери “Челси” менен “Реал” болду.

Жооптук оюндардын жыйынтыгы:

“Челси” (Англия) - ПСЖ (Франция) – 2:0

Голдор: Андре Шюррле (32-мүнөттө). Демба Ба (87-мүнөттө)

“Боруссия” (Германия) - “Реал” (Испания) – 2:0

Голдор: Марко Ройс 24-мүнөттө, 37-мүнөттө

УЕФАнын расмий сайты билдиргендей, жарым финалдагы атаандаштар 11-апрелде таштала турган чүчү кулактын жыйынтыгында аныкталат.