Мэнни Пакьяо атаандашы Тимоти Брэдлини утуп, чемпиондук наамын кайтарып алды

Беттеште жеңүүчү упай эсебинде аныкталды.

Пакьяо бир жыл мурун тарттырып жиберген чемпиондук наамын кайтарып алды.

Тимоти Брэдли атаандашы Пакьяонун кезектеги чабуулуна каршы чабуул камдап жатат.

12-апрель түнү Лас-Вегас шаарында өткөн бокс кечесинин алкагында филиппиндик Мэнни Пакьяо америкалык Тимоти Брэдли менен кез келип, упайлардын айырмачылыгында жеңишке жетишти. Бул тууралуу чет элдик маалымат булактары кабарлайт.

Маалыматка ылайык, бул жеңиши менен М.Пакьяо WBO версиясы (Дүйнөлүк бокс уюму) боюнча Дүйнө чемпиондугун кайтарып алды. 12 раундга созулган беттештин жыйынтыгында 3 калыс тең жеңишти филиппиндик мушкерге ыйгарды (118:110, 116:112, 116:112).

Эске салсак, бул эки мушкердин ортосундагы алгачкы беттеш 2012-жылы өтүп, анда упайлардын айырмачылыгында 30 жаштагы Тимоти Брэдли жеңип чыккан.

Автор: Максат Кудайбердиев