Япониядан келген сумо спортунун чеберлери Бишкекте тажрыйбалары менен бөлүшүшөт

Бишкекке Япониядан профессионал сумочулар келип, өз тажрыйбалары менен бөлүшүшөт. Бул тууралуу бүгүн, 15-апрелде Япониянын Кыргызстандагы элчилигинен кабарлашты. Алардын айтымында, азырынча сүйлөшүүлөр жүрүп жатат. Так маалымат жакын арада белгилүү болот.

Кошумчалай кетсек, элчиликтин планы ишке аша турган болсо, 26-апрелде Бишкекке Корю Тадахару жана Моконами Сакаэ аттуу сумочулар келишет. Сумо спортунун чеберлери Бишкекке болгон сапарында алгач өз тажрыйбалары менен бөлүшүп, мастер-класс көрсөтүшөт. 27-апрель күнү көрсөтмө беттештер жана чакан мелдеш орун алат.

Автор: Максат Кудайбердиев