Ошто самбо боюнча мелдеш жыйынтыкталды

Ош шаарында биринчи жолу өткөрүлгөн самбо боюнча мелдешке өлкөнүн бардык аймагынан 500гө жакын спортчу катышты. Алар салмак категориясы боюнча күч сынашты.

Ага Ош шаарынын мэри Айтмамат Кадырбаев жана вице-мэр Ильичбек Эргешов, Жогорку Кеңештин депутаты Жылдызкан Жолдошова катышты.

«Бул сыяктуу мелдеш шаарда алгач ирет өткөрүлүп жатат десем жаңылышпайм. Жаштар - биздин келечегибиз. Келечекте өлкөнүн атын чыгарган чыгаан эр-азаматтар чыгарына ишенем. Жаштарга ар тараптуу колдоо көрсөтүүбүз керек»,- деди калаа башчы.

Жыйынтыгында Ош шаарынын курама командасы самбо боюнча 1 алтын, 2 күмүш, 5 коло медаль утуп алышты.

Мелдеш «Эрбол» спорт-комплексинде 18-20-апрель күндөрү өттү. Бул тууралуу бүгүн, 21-апрелде мэриянын басма сөз кызматы билдирди.

Автор: Айсана Паизова