Сумо боюнча Кыргызстандын алгачкы чемпиондору аныкталды (фоторепортаж)

Байгелүү 3 орундун бирине "Достук" командасы өз атын жаздыра алды.

2-орун "Бирдик" командасына тийди.

Чакан мелдеш командалык тартипте өттү. 3 баладан турган "Ынтымак" командасы 1-орунду багындырды.

Кыргызстандын алгачкы чемпиондору Япониянын Кыргызстандагы элчилигинин, Сумо ассоциациясынын жана Дене тарбия жана спорт мамлекеттик агенттигинин өкүлдөрү менен эстеликке сүрөткө түшүштү.

Сумо спорту боюнча алгачкы расмий мелдеш өтүп, алгачкы чемпиондордун ысымдары белгилүү болду.

Кечеде Ташчайнар деген лакап аты менен белгилүү болгон Нурлан Алишеров өз өнөрүн көрсөттү.

Япония - сумо спортунун мекени. Бул жерде жылына алты ирет профессионалдар арасындагы ири мелдештер уюшулат. Чакан тасма аркылуу мелдештердин өтүү тартиби көрсөтүлдү.

Иш-чарага сыйлуу конок катары чакырылгандар сумочулардын жаш сумочуларга үйрөтүп жаткан өнөрлөрүнө кылдаттык менен көз салып отурушту.

Сумочулардын өнөрүнө коомдук ишмер Аликбек Жекшенкулов да көз салып отурду.

11 жаш спортчу 2 конокко каршы күрөшүп, аларды чийинден чыгара алышты.

Андан кийин жаш спортчулар менен күрөшүштү.

Атаандашты атайын чийинден сүрүп чыгарууга ыкталган сумо спортун коноктор күрөшүп көрсөтүп беришти.

Профессионал сумочулар жаш спортчуларга өзүлөрү күнүнө 1000ден ирет жасаган көнүгүүлөрдү көрсөтүп жатышат.

Япониянын Кыргызстандагы элчилигинин өкүлү сөз алып, бул спорт түрүнүн Кыргызстанда өнүгүүсүнө тилектеш экенин билдирди.

Монголиялык бул спортчулар сумонун мекени болгон Японияга барып, профессионалдык деңгээлге чейин өсүп жетишкен.

Жаш сумочулар белдерине маваси (сумонун куру) курчанып, сахна артында күтүп жатышкан маал.

Бүгүн, 27-апрелде Кожомкул атындагы Спорт Ордосунда монголиялык профессионал сумочулар Корю Тадахару жана Моконами Сакаэнин катышуусунда иш-чара болуп өттү. Кыргызстан, Япония жана Монголиянын мамлекеттик гимндери менен ачылган саамалык алкагында профессионал сумочулар алгач кыргыз жаштарын өз өнөрлөрү менен тааныштырышты.

Андан соң жаш спортчулар арасында сумо боюнча чакан мелдеш уюштурулду. Расмий түрдө биринчи жолу өтүп жаткан биринчиликтин жыйынтыгында сумо боюнча Кыргызстандын туңгуч чемпиондору аныкталды.

Кошумчалай кетсек, иш-чараны Япониянын Кыргызстандагы элчилиги, Дене тарбия жана спорт мамлекеттик агенттиги жана КРнын Сумо ассоциациясы биргеликте уюштурушту.

Автор: Максат Кудайбердиев

19:12 27-04-2014

Жазылуу

РУБРИКАДАГЫ СОҢКУ КАБАРЛАР

21:30 2025-05-03 | Коом жана турмуш

Жеңиш майрамына карата 8-9-май күндөрү борбордогу бир катар көчөлөр жабылат 344 0

20:24 2025-05-03 | Кылмыштар, кырсыктар

Ошто букмекердик иштерди мыйзамсыз жүргүзүүгө шектелгендер кармалды (видео) 654 0

18:42 2025-05-03 | Кылмыштар, кырсыктар

"Батирлерин сатып". Бишкекте ири алдамчылыкка шектелгендер кармалды 1076 0

17:27 2025-05-03 | Коом жана турмуш

"Генерал айтты да, аны аткарды". Өмүрбек Бабанов Ташиевге ыраазычылык билдирди (видео) 4210 1

17:03 2025-05-03 | Түркүн дүйнө

Зеленский Путин сунуштаган 3 күндүк ок атышпоо сунушуна макул эместигин билдирди 2029 0

16:12 2025-05-03 | Түркүн дүйнө

Орусияда мышык эки аялды балконго камап салган (видео) 1926 0

Архив

Комментарийлер (6)

Dadasdasd

2014-04-28 08:37:15

Памперстен башка форма жок бекен.

asiret

2014-04-28 09:21:01

Dadasdasd, сумонун формасы ушундай да

AshatMJ89

2014-04-28 10:35:09

Буларга караганда биздин депутаттардын курсагы чон го))

sambo

2014-04-28 10:59:22

Жапониядан келген Сумочулар менен Ташчайнарды күрөштүрүп койушса болмок экен.

edico22

2014-04-28 11:27:55

Чын эле депутаттар учун спорт окшойт сумо деген!Казылары жер чийип саландап калды, эми пайдалуу мыйзам кабыл албаса дагы элдин конулун которуп сумо курошуно катышып турушса жакшы болмок!

Kara_kyrgyz

2014-04-29 09:20:44

боорду эзесинер да ((((

Комментарий калтыруу үчүн өз ысымыңыз менен кириңиз же каттоодон өтүңүз.