Владимир Кличко атаандашын нокаутка учуратып, чемпиондук наамын сактап калды (фоторепортаж)

Кличко наамдарын сактап кала алды.

Беттеш калысы 5-раунддан кийин беттешти токтотууга мажбур болду.

Кличко кезектеги чабуулда...

Албетте, ар бир катасынын жазасын өз убактысында алып, оор соккулардын жыйынтыгында рингге 3 ирет кулады.

Адатта Владимирдин беттештери коргонуу анан каршы чабуулга багытталат. Бул жолу атаандаш Владимирге көп мүмкүнчүлүк бергендей болду.

Беттеш алкагында Леапаи 3 ирет рингге кулады.

Атаандаштын тажрыйбасынын аздыгынан жана чабалдыгынан пайдаланып, Кличко үстү-үстүнө муш узатып жатты.

Кличко 38 жашта экенине карабай мыкты бокс көрсөттү.

Беттештин жүрүшүн толук бойдон Владимир Кличко көзөмөлдөп жатты.

Владимир Кличко Украинадагы саясий кырдаалды беттеш өткөн Германияга көчүрүп келип алгандай болду. Себеби Кличконун буга чейинки беттештеринде Украинанын желеги чанда гана көрүнчү.

Беттештин алдында экс-мушкер, “Удар” саясий партиясынын лидери Виталий Кличконун жубайы Наталья Украинанын гимнин аткарды.

26-апрелден 27-апрелге караган түнү украиналык мушкер, WBA, IBF жана WBO версиялары боюнча Дүйнө чемпиону Владимир Кличко австралиялык Алекс Леапаини утуп, чемпиондук наамдарын сактап кала алды. Бул тууралуу чет элдик маалымат булактары кабарлайт. Маалыматка ылайык, 38 жаштагы мушкер атаандашын беттештин 5-раундунда нокаутка учуратты.

Кошумчалай кетсек, Кличконун бул жеңиши анын карьерасындагы 62-жеңиши. Ал эми Леапаи буга чейин профессионалдык рингде 30 беттеш өткөрүп, баарында жеңишке жетишип келген.