“Ювентус” УЕФАнын Евролигасынын финалына чыга алган жок

Мелдештин өткөн жылдагы финалчысы "Бенфика" күйөрмандарын быйыл да финалга чыгуу менен сүйүнтүп отурат.

14-майда Турин шаарында өтө турган УЕФАнын Евролигасынын финалына туриндик клуб “Ювентус” чыга алган жок. Кечээ, 1-майда жарым финалдын жооптук оюнунда ал өз үйүндө португалиялык “Бенфика” менен 0:0 эсебинде тең ойноду. Алгачкы оюнда “Бенфиканын” утканы эске алынып, туриндиктер финалга чыга алышкан жок.

Дагы бир финалдык жолдомонун ээси испаниялык “Севилья” болду. Севильялыктар жарым финалда 2 оюндун жыйынтыгында жалпы эсепте “Валенсияны” утуп алышты.

Жарым финалдык оюндардын жыйынтыгы:

“Валенсия” (Испания) – “Севилья” (Испания) – 3:1 (алгачкы оюн 0:2)

“Ювентус” (Италия) – “Бенфика” (Португалия) - 0:0 (алгачкы оюн 1:2)

Автор: Максат Кудайбердиев