Өзгөчө кырдаалдар министрлиги: Баткенде селдин ортосунда калган жарандар куткарылды

Баткен облусунда сел алып кеткен унаадагы адамдар куткарылды. Бул тууралуу ӨКМнын басма сөз кызматы бүгүн, 9-майда билдирди.

Маалыматтарга караганда, Баткен облусунун Лейлек районунда 8-май күнү саат 18:20 чамасында катуу жааган жамгырдын кесепетинен сел жүргөн. Исфана сайынан сел келген учурда селдин ортосунда Ауди-80 үлгүсүндөгү жеңил унаада 4 адам калып калган.

Куткаруучулар, чек ара кызматкерлери, ички иштер бөлүмүнүн кызматкерлери жана жергиликтүү тургундар тарабынан унаадагы Давран Хайдаров, Зулайка Хайдарова, Абадат Хабирова, Саипжан Турдубаев өз убагында куткарылып, үйлөрүнө жөнөтүлгөн.