Кулатуу улуттук күрөшү боюнча Бишкек шаарынын Ачык биринчилиги өткөрүлөт

Бишкек шаардык дене тарбия жана спорт комитети кулатуу улуттук күрөшү боюнча Бишкек шаарынын Ачык биринчилигин өткөрөт. Бул тууралуу бүгүн, 13-майда мэриянын басма сөз кызматынан билдиришти.

Маалыматка ылайык, иш-чара 2014-жылдын 17-18-майында саат 9:00дө спорттун улуттук түрлөрү боюнча мектебинде өткөрүлмөкчү.

Мелдештерге республиканын бардык облустарынан 16 жаштан 18 жашка чейинки балбандар катышат.

16-майда спортчуларды каттоо, таразага тартуу жана салмактык категорияга бөлүштүрүү жүргүзүлөт. Мелдештер жеке жана командалык эсепте өткөрүлөт. Спорттук мелдештер спорттун аталган түрүн жана жашоонун сергек мүнөзүн пропагандалоо максатында өткөрүлмөкчү.

Автор: Мальвина Уметбекова