Бишкектеги №1-шаардык клиникалык ооруканада бир аптада 79 операция жасалды

№1-шаардык клиникалык ооруканада өткөн аптанын ичинде 79 операция жасалды. Бул тууралуу бүгүн, 14-майда аталган оорукананын профессору Акылбек Мусаев билдирди.

Анын айтымында, ооруканага жардам сурап 112 адам кайрылган. Булардын ичинен 26 бейтапка амбулатордук жардам көрсөтүлүп, калганы дарылануу үчүн ооруканага жаткырылган.

“Ооруканага түшкөн 29 адамдын өтүнөн таш алынды. Мөөндүн туюк учундагы өсмөнүн оорушу менен (аппендицит оорусу) кайрылган 21 адамга тиешелүү операция жасалды. Альвеококкоз дарты менен 3 адамга операция жасалып, оорудан улам жарабай калган боору толугу менен алынды. Боор эхинококкозу менен жабыркаган 10 бейтап тиешелүү дарылануудан өттү. 5 бейтапка Лихтенштейндин ыкмасы менен жука чурайындагы чуркусуна операция жасалды. Ошондой эле уулуу богок оорусу менен жабыркаган 4 бейтапка операция жасалды. Андан сырткары бир катар операциялар жасалды”,- дейт А.Мусаев.

Автор: Мальвина Уметбекова