Бишкекте комплекстик жеңил атлетика эстафетасы өтөт

Бишкекте 17-май күнү А.Масалиев көчөсүнүн (Түштүк магистралдан Байтик баатыр көчөсүнөн Тынчтык проспектине чейинки бөлүгүндө) комплекстик жеңил атлетика боюнча эстафета өткөрүлөт. Бул тууралуу бүгүн, 15-майда мэриянын басма сөз кызматынан билдиришти.

Иш-чаранын негизги максаты - шаарда дене тарбия кыймылын активдештирүү, өспүрүмдөрдү жана балдарды спорт менен машыгууга үндөө, шаардыктардын активдүү эс алуусун уюштуруу.

Аталган иш-чарага Октябрь районундагы мектептердин, гимназиялардын курама командалары, райондук администрациянын, райондук кызматтардын кызматкерлери катышат. Эстафетанын жеңүүчүлөрүнө дипломдор берилип, баалуу сыйлыктар тапшырылмакчы.

Автор: Мальвина Уметбекова