Бишкекте Эл аралык балдардын ишеним телефону күнү белгиленет

Бишкекте эртең, 17-майда Эл аралык балдардын ишеним телефону күнү белгиленет. Бул тууралуу бүгүн, 16-майда ЮНИСЕФтин Кыргызстандагы өкүлчүлүгүнөн билдиришти.

Маалыматка ылайык, аталган майрам бул жолкусунда да Кароосуз калган балдарды реабилитациялоо борборунда өткөрүлмөкчү.

Аталган иш-чара “Балдар да оюн угузууга укуктуу” деген аталыштагы футбол оюну менен коштолот. Оюнга кароосуз калган балдардын, мектеп окуучуларынын, волонтёрлордун командалары катышат. Ошондой эле каалоочулардын баары чакырылат. Жеңүүчүлөргө кубок жана белектер тапшырылмакчы.

Автор: Мальвина Уметбекова