Шашылыш билдирүү: 19-23-майдагы жаан-чачынга байланыштуу өлкөнүн тоолуу аймактарында сел жүрүшү мүмкүн

Бүгүн, 16-майда КРнын Өзгөчө кырдаалдар министрлигинин басма сөз кызматы шашылыш билдирүү таратты. Белгилүү болгондой, 19-23-май күндөрү күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги аймактарында сел жүрүшү мүмкүн, дарыяларда суунун деңгээли көтөрүлүшү күтүлөт.

Ал эми "Кыргызгидрометтин" расмий сайтынын маалыматына ылайык, 19-майда республиканын айрым жерлеринде, 20-22-майда КРнын көпчүлүк аймактарында нөшөрлүү жамгыр жаайт. Бийик тоолуу райондордо кар жаап, кээ бир райондордо батыштан соккон шамалдын ылдамдыгы секундасына 19-24 метрге чейин жетет.

20-22-май күндөрү өрөөндөрдө абанын күндүзгү температурасы +15°С болсо, тоолуу райондордо 0°Сге чейин төмөндөйт. Мындай аба ырайы айыл чарба иштерин, автоунаа, энергетика жана коммуналдык кызматтардын ишин кыйындатат.

Ошондой эле түнкүсүн Кемин, Талас өрөөндөрүндө, Нарын, Ысык-Көл облустарынын дыйканчылык аймактарында айрым жерлерде абанын температурасы 0°Сге барабар болуп, үшүк жүрүшү күтүлөт.

Мындай үшүк жемиш бактарынын гүлдөрүнө, бүчүрлөрүнө, гүлдөгөн жер-жемиштерге жана жерге отургузулган жашылчаларга коркунучтуу.

Автор: Айпери Ганыжан кызы

16:41 16-05-2014

Жазылуу

РУБРИКАДАГЫ СОҢКУ КАБАРЛАР

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 9 0

16:33 2025-05-02 | Түркүн дүйнө

Бразилиянын президенти Зеленскийдин 6 жолу жолугушуу өтүнүчүн четке какты 201 0

16:18 2025-05-02 | Коом жана турмуш

Мен көргөн бир күн: "Асман – менин жумуш ордум" дейт БАЭде учак башкарган кыргыз жигити (маек) 3898 0

16:05 2025-05-02 | Коом жана турмуш

Бишкектеги Шабдан Баатыр көчөсүнүн дагы бир бөлүгү жабылды 123 0

15:25 2025-05-02 | Коом жана турмуш

Оштогу "Фирдаус" мечитин бузуу иштери башталды (видео) 755 1

15:10 2025-05-02 | Түркүн дүйнө

Курсктагы салгылашта Түндүк Кореянын канча жоокери каза болгону айтылды 1107 0

Архив

Комментарийлер (3)

byityshka

2014-05-16 16:45:35

Туй ата, анан мом жемиштер кайра кымбат болот экен (((((

realliver

2014-05-16 16:57:32

0 gradus degeni chatak eken. Birok noshorluu jamgyr azyr bizge ayabai kerek bolup jatat. Arpa menen buudai jyrgap kalat ele. Toodogu choptun dagy osushuno jardamy tiymek

Bayjigit83

2014-05-17 19:06:22

Кудайым берекелуу жана пайдалуу жамгырлардан кылган болсун ылайым!

Комментарий калтыруу үчүн өз ысымыңыз менен кириңиз же каттоодон өтүңүз.