Футбол боюнча Кыргызстан курама командасы Кувейт менен жолдоштук оюнда 2:2 эсебинде тең ойноду

Футбол боюнча Кыргызстан курама командасы 19-майда Мальдив аралдарында старт ала турган АФКнын Чакырык Кубогунун финалдык баскычына даярдыгынын алкагында кечээ, 16-майда Кувейт менен жолдоштук оюн өткөрүп, 2:2 эсебинде тең чыкты. Бул тууралуу КРнын Футбол федерациясынан маалымдашты.

Маалыматка ылайык, Кыргызстандын курамынан Ахлетдин Исраилов менен Азамат Байматов айырмаланышты.

Кошумчалай кетсек, Кыргызстан курамы Кувейттеги машыгуу сборунун алкагында 12-майда Ооганстан менен жолдоштук оюн өткөрүп, 1:0 эсебинде утулган.

Автор: Максат Кудайбердиев