Ошто Бириккен профсоюз комитетинин спартакиадасы өттү

Ош мамлекеттик социалдык университетинин базасында билим, илим кызматкерлеринин Ош облустук профсоюз комитети тарабынан жыл сайын уюштурулуучу спартакиадасы өткөрүлдү. Бул тууралуу бүгүн, 20-майда окуу жайдын басма сөз кызматы билдирди.

Белгилүү болгондой, спартакиада спорттун волейбол, стол тенниси, ордо, тогуз коргоол, шахмат түрлөрү боюнча өткөрүлдү.

Жалпысынан иш-чарага Ош облусуна караштуу Алай, Кара-Суу, Өзгөн, Кара-Кулжа, Чоң-Алай, Ноокат, Араван жана Ош шаарындагы 5 жогорку окуу жайынан биригип 13 команда ат салышты.

Мелдеш эки күнгө созулуп, жыйынтыгында командалык эсеп боюнча ОшМУ 1-орунду, ОшТУ 2-орунду, Кара-Суу району 3-орунду камсыз кылышты. Жеңүүчүлөр облустук профсоюз комитети тарабынан акчалай сыйлык жана баалуу белектер менен сыйланышты.

Автор: Айсана Паизова
Фото: ОшМСУнун басма сөз кызматы