Бишкектеги Эне жана баланы коргоо борборунда өткөн шайлоодо борбордун мурунку жетекчиси көп добуш топтоду

Бишкекте 21-майда Эне жана баланы коргоо борборунда болуп өткөн мекеменин директорун шайлоодо көп добушка борбордун учурдагы жетекчиси Камчыбек Узакбаев ээ болду. Бул тууралуу аталган борбордон билдиришти.

Маалыматка ылайык, борбордун учурдагы жетекчиси К.Узакбаев добуш берүүчүлөрдүн 80 пайызына ээ болду. Ал эми Медициналык академиясынын кафедрасынын башчысы, профессор Т.Буйлашев добуш берүүчүлөрдүн 11 пайызына ээ болсо, аллергияны изилдөөчү бөлүмүнүн башчысы М.Аширалиев добуш берүүчүлөрдүн 3 пайызына татыды.

Аталган борбордун директорун шайлоо жашыруун түрдө өтүп, ага 264 кызматкер катышты.

Автор: Мальвина Уметбекова