Бишкекте “Аялдардын тынчтыкты колдоо демилгеси” аттуу форум өтүп жатат

Бүгүн, 22-майда Бишкекте “Аялдардын тынчтыкты колдоо демилгеси” аттуу форум өтүүдө. Иш-чарада АКШнын Кыргызстандагы ыйгарым укуктуу элчиси Памела Спартлен, ЖКнын депутаты Наталья Никитенко, өкмөттүн өкүлдөрү жана жалпы Кыргызстан боюнча активист айымдар катышууда.

Жолугушуунун катышуучулары тынчтык орнотуу жана улуттар аралык биримдикти чыңдоодогу аялдардын ролун, алардын потенциалын жогорулатуунун жолдорун талкуулашат. Мындан тышкары алар республиканын түштүгүндө “Аялдардын тынчтыкты колдоо демилгеси” долбоорунун алкагында түзүлгөн аялдар демилгелүү топторунун активисттеринин тажрыйбасы менен таанышат.

Автор: Нургазы Аматов
Фото: Нургазы Аматов