Испанияда 35 жылдан соң коррида оюну токтотулду (фотолор)

Испаниянын Мадрид шаарында акыркы 35 жыл ичинде алгачкы жолу коррида оюну токтотулду. Бул тууралуу бүгүн, 22-майда чет элдик маалымат каражаттары жазып чыгышты.

Маалыматка ылайык, мындай чечим акыркы оюндарда жинденген бука 3 оюнчуну челип ыргыткандыгына байланыштуу кабыл алынган. Үч оюнчунун бири белгилүү матадор Давид Мора болгон. Бука мүйүзү менен анын бутун челип кеткен. Матадордун абалы оор боюнча калууда. Ал эми берки экөө да ооруканага жаткырылган.

Өлкөдө коррида оюнунун токтотулушуна каршы чыккандар да болууда. Алардын катарында өлкөнүн премьер-министри да бар. Алар "Бул оюндун фанаттары абдан көп. Коррида - байыркы искусствонун бир түрү, улуттун тарыхы" дешүүдө.

Белгилей кетсек, Испанияда жыл сайын 2 миңге жакын коррида оюну өткөрүлүп келет.

Автор: Дамира Арстанова
Фото: Интернеттен алынды