Республиканын бардык аймактарында 2017-жылга чейин санариптик телени киргизүү пландалууда

2017-жылга чейин республиканын бардык аймагында санариптик телени киргизүү пландалууда. Бул тууралуу бүгүн, 23-майда басма сөз жыйында транспорт жана коммуникация министри Калыкбек Султанов билдирди.

“Баткен облусунда бул боюнча бир катар иштер жүрүүдө. 2015-жылдын 3-чейрегине чейин чек ара аймактары, ал эми жалпы республиканы 2017-жылга чейин толугу менен өткөрүү пландалууда”,- дейт К.Султанов.

Ошондой эле 2013-жылдан 2017-жылга чейинки КРнын туруктуу өнүктүрүү боюнча стратегиясына киргизилген "Электрондук өкмөт" долбоору да ишке ашары да айтылды.

“Кыргыз почтасын” реформалоо, ага аманат-почта системи жана почта аркылуу айылдарга банк системинин кызматындай тармактар да ишке киргизилет”,- деп кошумчалады министр.

Автор: Мальвина Уметбекова