Бишкекте ат спорту боюнча Шериктештик Кубогу Эл аралык мелдеши өтүп жатат (фоторепортаж)

3 күн бою аттардын жана чабандестердин чеберчиликтерине көз салууга мүмкүн.

Мелдеш 3 күн өткөрүлөт.

Мелдештин расмий ачылышы 24-майга белгиленген.

Жеңиш ээлери кубок жана медалдар менен сыйланат.

Шериктештик Кубогу - ат спорту боюнча өткөрүлгөн ири мелдештердин бири.

130 сантиметр келген тоскоолдуктарды ашып өтүү боюнча

Алдыңкы күндөрү ат спортун сүйүүчүлөрдү 120, 130, 135, 140, 150 жана 160 сантиметр келген тоскоолдуктарды ашып өтүү боюнча жарыштар күтөт.

Мелдешти КРнын Ат спорту боюнча федерациясы менен Дене тарбия жана спорт мамлекеттик агенттиги биргелешип уюштуруп жатышат.

Мелдеш Монголия, Орусия, Казакстан жана Өзбекстан командаларынын катышуусунда өтүп жатат.

Мелдештин биринчи күнүндө 130 сантиметр келген тосмону ашып өтүү боюнча жарыштар болду.

Бүгүн, 23-майда Бишкекте тоскоолдукту ашып өтүүгө багытталган ат спорту боюнча Шериктештик Кубогу Эл аралык мелдеши старт алды. Ага Борбордук Азия Лигасынан Монголия, Орусия, Казакстан жана Өзбекстан курама командалары катышууда. Бул тууралуу Дене тарбия жана спорт мамлекеттик агенттигинен кабарлашты.

Маалыматка ылайык, бүгүнкү мелдеш 130 сантиметр келген тоскоолдукту ашып өтүү боюнча болду. Мелдеш 25-майга чейин Ат спорту боюнча балдардын жана өспүрүмдөрдүн олимпиадалык резервдеги адистештирилген мектебинде өтөт.

Автор: Максат Кудайбердиев
Фото: Нурдин Султамбаев