Бишкекте экологиялык өнүгүү боюнча талкуу өтөт

Бишкекте 26-май күнү КРнын Президентинин алдындагы Мамлекеттик башкаруу академиясында баш калаанын экологиялык өнүгүүсүн талкуулашат. Бул тууралуу бүгүн, 23-майда уюштуруучулар билдиришти.

Маалыматка ылайык, аталган талкууга көз карандысыз экологдор, архитекторлор жана башка эксперттер, министрликтер менен ведомство өкүлдөрүнүн катышуусу пландалууда.

Уюштуруучулардын айтымында, иш-чаранын алкагында КРнын Илимге эмгек сиңирген ишмери Эмил Шүкүровдун "Адам жана жаратылыш, айлана-чөйрө" деген темада тартылган карикатураларынын көргөзмөсү өтөт.

Ошондой эле иш-чарада голландиялык энергияны үнөмдөө боюнча көз карандысыз эксперт жана шаар куруучу Альфред Мейжерс экологиялык пландоо боюнча да өз ою менен бөлүшөт.

Автор: Мальвина Уметбекова