Бүгүн “Алга” футболдук клубу Кыргызстан жаштар курама командасына каршы беттеш өткөрөт

Футбол боюнча Кыргызстандын биринчилиги – ТОП-Лиганын 2014-жылкы сезонунда лидерлик сапта келе жаткан бишкектик “Алга” футболдук клубу бүгүн, 29-майда Кантта Кыргызстандын 22 жашка чейинки футболчулардан түзүлгөн жаштар курамасы менен жолдоштук оюн өткөрөт. Бул тууралуу КРнын Футбол федерациясынан кабарлашты.

Маалыматка ылайык, бул беттеш “Алганын” ТОП-Лиганын экинчи айлампасына даярдыгынын алкагында өтүүдө. Ошондой эле жаштар курама командасы 2015-жылкы Азия чемпиондугунун тандап алуу турларына даярданууда.

Автор: Максат Кудайбердиев