Мушкер Мигель Котто атаандашы Серхио Мартинести нокаутка учуратып, чемпион аталды (фоторепортаж)

Мигель Котто жарым орто салмакта (72 килограммга чейинки салмактык бөлүк) жаңы чемпион аталды.

Бир кездерде мушкерлерди кезек-кезеги менен нокаутка учураткан мушкер Майк Тайсон.

Беттешке чейин көп нерсени убада кылган Мартинес үчүн беттеш күтүлбөгөндөй башталып, күтүлбөгөн жыйынтык менен аяктады.

Белгилүү рэп ырчысы 50 Cent`ти мындай ири беттештерде көрүү көпчүлүк үчүн жаңылык деле болбой калган. Себеби ал промоутерлик иштерди да алып барып жүрөт.

Мигель Котто жарым орто салмакта (72 килограммга чейинки салмактык бөлүк) жаңы чемпион аталды.

Беттештин жүрүшүнөн...

Калыс Мартинестин беттешке даярдыгын текшерүүдө.

Мартинес кезектеги соккуга туш болуп, ринг төшөлмөсүн кучактай жыгылды.

Мигель Котто ыкчамдык жагынан да алдыда болду.

Мартинес да өз кезегинде жооп кайтарып жатты.

1-раундда катталган нокдаундар ринг кожоюнун эрте эле аныктап бергендей болду.

Мигель Котто бул беттеште таамайлыгы менен айырмаланып турду.

Мартинес беттешке чейинки жолугушууга футбол боюнча Аргентина курама командасынын формасын кийип келди.

Беттеш Нью-Йорк шаарында өттү.

Пуэрторикалык мушкер Мигель Котто кечээ, 8-июнда Нью-Йорк шаарында аргентиналык Серхио Мартинес менен кез келип, мөөнөтүнөн мурда жеңишке жетише алды. Бул тууралуу чет элдик маалымат булактары кабарлайт.

Маалыматка ылайык, мушкерлер WBC версиясы боюнча рингге чыгышып, 72 килограмм салмакка чейинки салмактык бөлүктө күч сынашышты. Беттеш курч мүнөздө башталып, Котто 1-раундда атаандашын 3 ирет нокдаунга учуратууга жетишти. Беттештин калган бөлүгүн Котто көзөмөлгө алганы менен, Мартинес 9-раундга чейин ишенимдүү беттеш алып барды. 9-раундда Мартинестин бутка туруусу кыйын болуп баштаганда Мартинес тарап беттешти токтотууга мажбур болду. Котто бул жеңиш менен Дүйнө чемпиону аталды.

Автор: Максат Кудайбердиев
Фото: Интернеттен алынды