Алексей Федосеев бразилиялык Эмерсон Фалькаону утуп, Дүйнө чемпиону катары кур тагынды (фоторепортаж)

Алексей ортодо болгон кыйынчылыктардан улам чоң спорттон алыстай түшкөн. Эми кайтып келгенин элге айтып, элдин ишенимин актоого аракет кылганын кошумчалады.

Ага WAKO-PRO федерациясынын вице-президенти Насири Нассер менен Мурат Саралинов чемпиондук курду тагып жатышат.

3 калыстын чечими менен жеңиш ээси деп Алексей Федосеев табылды.

Калыстардын жыйынтыгын күтүп жатканда Фалькао менен Алексей жана калың эл катуу апкаарып турду.

Алексей колу менен да, буту менен да сокку узатып, тиешелүү упайларды алып жатты.

Жакын аралыкта мушташууда Фалькао мыкты экени байкалды.

Спортчу Мирбек Сүйүнбаев чемпиондукка талапкер жигитке кеңеш берип жатат.

Жердешибиз колу менен да, буту менен да мыкты соккуларды узата алгандыгы менен айырмаланып турду.

Алексей кезектеги чабуулга чыкканда атаандашы бир топ теңселип барып токтоду.

Алексей алгачкы мүнөттөрдөн тарта ыкчам чабуулдарды уюштурду.

Кыргыз Республикасынын Гимни обого жаңырууда.

Фалькао колун бооруна алып, өз өлкөсүнүн гимнин тыңдап жатат.

Жеңүүчү аталган мушкер ээ боло турган чемпиондук кур элдин назарына коюлду.

Алексей Федосеев болсо адаттагысынан жазбай, ашыкча шоу уюштурган жок.

Андан соң Эмерсон Фалькао бетин чүмкөп алып эл алдына чыкты.

Бишкектеги иш-чара Бразилиянын карнавалына айланып кете жаздады. Карнавалга даярдалган кийим менен алгач кыздар рингдин четине чыгышты.

Күндүн башкы беттешинин алдында чакан тасма көрсөтүлүп, анда Алексей Федосеев менен атаандашы Эмерсон Фалькао өзүлөрү тууралуу айтып беришти.

Анын узаткан соккуларына туруштук бере албаган орусиялык кикбоксчу ринг кучактай жыгылды. Аны дарыгерлер убара болуп жатып араң эсине келтиришти.

Кумар Жалиев атаандашынан кыйла айырмаланып турду.

Кумар Жалиев да рейтингдик беттеш өткөрүү үчүн көпчүлүктүн сүрөөнү астында рингге чыкты.

Кезектеги раундду ийгиликтүү өткөргөн Мирлан Ибрагимовго машыктыруучусу Жанбулат Амантаев кеңеш берүү менен катар суу чачып, эс алдырып жатат.

Андан соң күчкө салбай, тажрыйбасын колдонуу менен жеңишке жетишти.

Белгилүү кикбоксчу Мирбек Сүйүнбаев жашы өтүп калганына карабай рингдин кожоюну экенин далилдеп келет. Ал алгач өзбекстандык атаандашына кыргыздын калпагын тартуу кылды.

58 килограмм салмакта рингге чыккан Улан Касымбеков да жеңиш ээси болду.

Рингге кыздар да чыгып, көпчүлүктүн сүрөөнү астында кызыктуу беттеш өткөрүштү.

Бул күн бир катар салмактык бөлүктөрдөгү рейтингдик беттештер менен коштолду.

КРнын Кикбоксинг федерациясынын президенти, Алексейдин машыктыруучусу Александр Воинов да сөз алды.

Бул беттешти көрүүгө ашыгып келгендердин саны көп болду.

Улуттук Олимпиада комитетинин президенти Мурат Саралинов акыркы кездерде кыргыз кикбоксунун бир топ өнүгүп калганын айтты.

WAKO-PRO федерациясынын вице-президенти Насири Нассер мелдештин алдында сөз алып, татыктуу кикбоксчу жеңишке жетишсин деген тилегин айтты.