Азамат Байматов, футболчу: “Испания атаандаштарын теңине албаганынан улам утулду”

А.Байматовдун пикири боюнча, Германия курама командасы чемпион болот.

Социалдык тармактарда учурдагы Дүйнө чемпиону Испаниянын Бразилиядагы Дүйнө чемпиондугунда тайпадан чыкпай калганы тууралуу талкуулар кызый баштады. Биринчиликке күбө болуп жаткан Кыргызстан курама командасынын жана “Дордой” футболдук клубунун оюнчусу Азамат Байматов Испания-Чили беттеши бүтөр замат SUPER.KG порталына маек курду. Маектин жүрүшүндө ал испаниялыктар өзүнүн мурунку футболун көргөзбөгөнүн жана ал үчүн Испаниянын утулганы кадимки көрүнүш болуп калганын айтты.

- Азамат, футболчу катары Испаниянын утулганынын себеби сизге көбүрөөк түшүнүктүү болсо керек...

- Испаниянын утулганы мен үчүн жаңылык болгон жок. Себеби мелдештин 1-турунда деле биз Испаниянын оюнун көрө алган жокпуз. Мунун себеби, менин оюмча, атаандаш командаларды теңсинбегенинен, өзүлөрүн жогору сезгендеринен улам болду. Футболдо майда каталар болбош керек. Бул жерде көп каталарга орун берилди. Оюнчулардын жеңишке болгон күчтүү каалоосу жок болду. Өз оюнун такыр ойногон жок. Кыскасы, Испаниянын мыкты оюн көрсөтө албасы 2013-жылдагы Конфедерациялар Кубогунда утулганынан кийин эле байкалган. 2010-жылы Дүйнө чемпиондугун уткан оюнчулар бул жолу мелдешке салкын мамиле кылышты. Оюнчулар алмашып, жаңы команда түзүлүшү керек.

- Чилинин оюнуна кандай баа бердиңиз?

- Чилинин оюну жакшы болду. Алардын жеңишке жетишүүнү катуу каалаганы байкалды. Жеңиш да ошол каалоонун артынан келди. 2010-жылкы Дүйнө чемпиондугунда да бул командалар бир тайпада болгон. Анда Испания 2:1 эсебинде уткан. Мына, 4 жыл өттү. Хави-Иньеста байланышы ишке ашпай калды. Чилинин оюнчулары күчтөнүштү. Эми гана ошол оюндун реваншын алышты десем болот. Негизи, Чили деле башка Түштүк Американын командалары сыяктуу эле чемпиондукка башкы талапкерлердин бири.

- Чемпиондукка талапкер деп калдыңыз, сиздин оюңузча, ким чемпион болот? Кимге күйөрмандык кылып жатасыз?

- Мен эч бир командага күйөрмандык кылган жокмун. Португалиянын оюнун карап жатам, Криштиану Роналду азырынча команданын ичиндеги кемчиликтерден улам өз оюнун көрсөтө албай жатат. Бара-бара Португалия да татыктуу оюнун көрсөтөт деп ойлойм. Ал эми божомолумду айтсам, Германия чемпион болот. Негизи эле мелдеште бардык командалар футболду мыкты өздөштүргөн. Бразилиядагы Дүйнө чемпиондугунда Коста-Рика Уругвайды утуп алгандан кийин бул мелдеште баары мүмкүн экенин билдим. Бул жерде бардык командаларда 1 гана чемпион болуу деген максат бар. Андыктан алдыда мыкты оюндарга гана күбө болобуз.

Автор: Максат Кудайбердиев
Фото: Азамат Байматовдуку

04:03 19-06-2014

Жазылуу

РУБРИКАДАГЫ СОҢКУ КАБАРЛАР

18:01 2025-05-07 | Коом жана турмуш

"Өчпөс полк" жүрүшүнүн жаңы маршруту маалым болду 798 0

17:26 2025-05-07 | Саясат

Садыр Жапаров Москвадагы Жеңиш парадына катышат 1034 0

17:13 2025-05-07 | Коом жана турмуш

Унаанын үстүнө чыгып секирип жаткан жарандын видеосу тарады 1710 0

16:30 2025-05-07 | Коом жана турмуш

"Ашыкча чыгым жаратат". Бишкек мэриясы жарандарга кайрылды 1156 0

16:21 2025-05-07 | Коом жана турмуш

"Манас" аэропортунда Москвага каттамдар жанданды 1137 1

16:19 2025-05-07 | Түркүн дүйнө

Астанада аскердик парадда Казакстандын желеги асманда тартылды (фото, видео) 1446 0

Архив

Комментарийлер (9)

Sagy

2014-06-19 07:25:39

Уктап калганыма окунуп жатам)

ayakosya

2014-06-19 07:56:08

Азамат байкеге 120% кошулам. Испандар башынан эле оюн корсото алган жок. Ал эми Чили мындай абалды туура пайдаланып коздогон максатына жетти.

jigit.paren

2014-06-19 08:01:41

испанияга жан тартам дедин эле го. Испандардын доору бутту, эхх.

nurando

2014-06-19 10:28:39

Португалия

aselchen

2014-06-19 11:47:32

Germaniya

universal

2014-06-19 13:37:38

Менин оюмча Италия

muslim7

2014-06-19 14:47:55

кубокту утуш бардык командалардын максаты эмес. Бироо бар ал Россия. Озжору айткандай,алар Бразилияга жолдомо алды. ошол жетет аларга.

NurbekKG

2014-06-19 21:09:04

Мен Нидерландынын чемпион болушуна көбүрөөк ишенемин, алар 2010-жылы да татыктуу оюн көрсөтүшкөн. Ал эми Германия, Италия, Аргентина, Франция сыяктуу өлкөлөрдө да мүмкүнчүлүк бар азырынча

bekbolot-NOOKAT

2014-06-20 03:09:04

кыгызстаным болот чемпион!!!

Комментарий калтыруу үчүн өз ысымыңыз менен кириңиз же каттоодон өтүңүз.