Бразилиядагы Дүйнө чемпиондугу: Коста-Риканын кезектеги курмандыгы Италия болду

Италиянын оюнчулары Клаудио Маркизио менен Марио Балотелли жеңилүүнү акылдарына сыйдыра албай турушат.

Бразилиядагы мелдеш барган сайын кызып барат. Футбол адистеринин айткан ойлору дал келбей калган учурлар көбөйүүдө. “D” тайпасында эң алсыз команда деп бааланганына карабай 1-турда Уругвайды утуп алган Коста-Рика ошол жеңиштин кокустук эмес экенин далилдеди. Бул жолу алардын курмандыгы Италия курамасы болду. Оюн 1:0 эсебинде 4,5 миллион калкы бар Коста-Риканын жеңиши менен аяктады.

Италия – Коста-Рика беттеши курч мүнөздө башталды. Албетте, каршы чабуулду мыкты өздөштүргөн Италия оюн башынан эле атаандаштарынын катасынан пайдаланып, ыңгайлуу мүмкүнчүлүк табуу аракетин көрүп жатты. Бирок оюнду канчалык курчутушпасын, италиялыктар андан да курч жооп алып жатышты. Калыс 40-мүнөттөн кийин 11 метрлик айып соккусун берүүдөн тартынып, коста-рикалыктардын кыжырын кайнатты. Бирок бул кырдаал көпкө узаган жок. 1-тайм бүтөр маалында Коста-Рика ыңгайлуу мүмкүнчүлүк таап, гол жарата алды.

Бул жеңиш менен Коста-Рика “D” тайпасында 3-турда ойной турган Италия жана Уругвай курамаларынын ортосуна от эмес, чоң жалын тутанткандай болду. Себеби карамагындагы 6 упай менен тайпадан чыгып кеткен бул команданын артында үчтөн упай топтогон Уругвай менен Италия калды. Англия болсо 3-турда Коста-Рикага каршы ойнойт. Балким, утат. Бирок ал жеңиш британиялыктардын көңүлүн сергиткенден башка эч нерсе бербейт. Себеби Италиянын жеңишин аябай каалаган англиялыктар эки оюнда уттуруп, упай ала албаган бойдон мелдештен четтеп калышты.

Гол: Брайан Руиз (45-мүнөттө)

Автор: Максат Кудайбердиев
Фото: Интернеттен алынды

00:35 21-06-2014

Жазылуу

РУБРИКАДАГЫ СОҢКУ КАБАРЛАР

18:01 2025-05-07 | Коом жана турмуш

"Өчпөс полк" жүрүшүнүн жаңы маршруту маалым болду 798 0

17:26 2025-05-07 | Саясат

Садыр Жапаров Москвадагы Жеңиш парадына катышат 1034 0

17:13 2025-05-07 | Коом жана турмуш

Унаанын үстүнө чыгып секирип жаткан жарандын видеосу тарады 1710 0

16:30 2025-05-07 | Коом жана турмуш

"Ашыкча чыгым жаратат". Бишкек мэриясы жарандарга кайрылды 1156 0

16:21 2025-05-07 | Коом жана турмуш

"Манас" аэропортунда Москвага каттамдар жанданды 1137 1

16:19 2025-05-07 | Түркүн дүйнө

Астанада аскердик парадда Казакстандын желеги асманда тартылды (фото, видео) 1446 0

Архив

Комментарийлер (4)

Bolo2

2014-06-21 14:37:11

Европалыктарды Туштук Америкалыктар бетин жер каратып жатат, м: ошол эле Испания,Англия ,Италия,Хорхатия,Греция. Плей-Оффко европ-н 70% чыкпайт бул турлору м.н

ayakosya

2014-06-21 14:46:15

Bolo2 туура айтат. Европа мамлекеттери уйкудан ойгонбостон эле оюнга келгени корунуп турат. Испанияны айтпай эле коелу, Италия эмне деген кучтуу команда Коста Рика дан утулуп калыптыр. Элдин умуту Голландияда калды окшойт. Мен болсо Бразилияны колдойм!

odin-takoy

2014-06-21 18:41:49

Бразилия германияны колдойм

Egen.Osh

2014-06-22 02:19:38

Америкадан Коста-Рика,Колумбия,Чили,Аргентина чыкты,кезекте Бразилия,Уругвай,Эквадор чыгышы кутулуп жатат кийинки этапка.Европанын умуту Голандия,Франция,Германия,Бельгия и Хорватия болуп турат азыр...

Комментарий калтыруу үчүн өз ысымыңыз менен кириңиз же каттоодон өтүңүз.