Бразилиядагы Дүйнө чемпиондугу: Бүгүн Аргентина менен Германия майданга чыгат

Бразилиядагы Дүйнө чемпиондугунун 2-тур оюндарынын алкагында бүгүн, 21-июнда “G” жана “F” тайпаларында беттештер орун алат. Төмөндө оюндар тууралуу маалыматтар жана командалардын ортосунда көңүл бурула турган жагдайлар камтылган.

“F” тайпасы. 2-тур.

АРГЕНТИНА - ИРАН

Башталышы: 22:00 (Бишкек сааты боюнча)

Стадион: Белу-Оризонти шаары, “Минейран” стадиону

Калыс: Милорад Мажич (Сербия)

Аргентина бул беттеште жеңишке талапкер экени талашсыз. Бирок Ирандын 1-турда Нигерияга каршы өткөргөн мыкты оюнун да эске алыш керек. Учурда Аргентина карамагындагы 3 упай менен тайпада биринчи орунду ээлеп келүүдө. Ал эми 1 ирет тең чыккан Иранда жалгыз упай бар.

"G" тайпасы. 2-тур.

ГЕРМАНИЯ – ГАНА

Башталышы: 01:00 (Бишкек сааты боюнча)

Стадион: Форталеза шаары, “Кастелан” стадиону

Калыс: Сандро Риччи (Бразилия)

Германия 1-тур оюндарынын алкагында Португалияны 4:0 эсебинде утуп, мелдеште фаворит экенин көрсөткөн. Фавориттер бул жолу Африканын өкүлүнө каршы ойноп, өз дареметин дагы бир ирет текшермекчи. Көңүл мелдеште бомбардирлердин катарын толуктап келаткан Томас Мюллер менен Дүйнө чемпиондуктарынын тарыхында мыкты бомбардир болоруна 2 гана голу калган Мирослав Клозеге бурулат.

“F” тайпасы. 2-тур.

НИГЕРИЯ – БОСНИЯ

Башталышы: 04:00 (Бишкек сааты боюнча)

Стадион: Куяба шаары, “Арена Пантанал” стадиону

Калыс: Питер О`Лири (Жаңы Зеландия)

Нигерия менен Босния тайпадан чыгуу үчүн жакшы мүмкүнчүлүктөргө ээ жана бул оюн командалар үчүн өтө баалуу. Бул эки команда өз оюндарын жеңгенге аракет кылышат жана ошол эле учурда Ирандын Аргентинага жеңилүүсүнө үмүт артышат.

Автор: Максат Кудайбердиев
Фото: Интернеттен алынды

20:59 21-06-2014

Жазылуу

РУБРИКАДАГЫ СОҢКУ КАБАРЛАР

18:01 2025-05-07 | Коом жана турмуш

"Өчпөс полк" жүрүшүнүн жаңы маршруту маалым болду 798 0

17:26 2025-05-07 | Саясат

Садыр Жапаров Москвадагы Жеңиш парадына катышат 1034 0

17:13 2025-05-07 | Коом жана турмуш

Унаанын үстүнө чыгып секирип жаткан жарандын видеосу тарады 1710 0

16:30 2025-05-07 | Коом жана турмуш

"Ашыкча чыгым жаратат". Бишкек мэриясы жарандарга кайрылды 1156 0

16:21 2025-05-07 | Коом жана турмуш

"Манас" аэропортунда Москвага каттамдар жанданды 1137 1

16:19 2025-05-07 | Түркүн дүйнө

Астанада аскердик парадда Казакстандын желеги асманда тартылды (фото, видео) 1446 0

Архив

Комментарийлер (4)

ayakosya

2014-06-22 00:16:32

Аргентинанын куйормандары женишинер менен куттуктайм Бразилиянын куйормандарынын атынан!

nietkabyl

2014-06-22 00:52:15

Аргентина менен Германя емес еле Германя менен Гана ойнойт не адашып жазып алгансынарбы админ

Максат Кудайбердиев

2014-06-22 02:04:35

nietkabyl, катачылык жок. Туура, Аргентина менен Германия ойнобойт, ал ичиндеги түшүндүрмөдө берилген. Темада болсо ушул курамалардын оюндары (экөөнүн атаандаштары бөлөк командалар) бүгүн ойной турганы айтылган.

som

2014-06-22 23:05:11

туура тушундурбойсунорбу

Комментарий калтыруу үчүн өз ысымыңыз менен кириңиз же каттоодон өтүңүз.