Бразилиядагы Дүйнө чемпиондугу: Босния атаандашы Нигерияга уттуруп, кийинки баскычка чыкпай калды

Оюндагы жалгыз голдун автору Питер Одемвингие беттештин мыкты оюнчусу болуп табылды.

Босниянын лидери Эдин Жеко чабуул коюудан башка арга жок экенин билип турду. Бирок жыйынтык чыккан жок.

21-июндан 22-июнга караган түнү “F” тайпасында Босния курама командасы Нигерияга каршы оюнда 1:0 эсебинде уттуруп жиберди. 1-тур оюндарында Аргентинага утулган Босния бул жеңилүү менен мелдештин кийинки баскычына чыгуу мүмкүнчүлүгүнөн ажырап калды. Азырынча бул тайпада Аргентина курамасы карамагындагы 6 упай менен лидерлик сапта келүүдө. Кийинки орунга 1 тең чыгуу жана 1 жеңиш ээси Нигерия 4 упай менен жайгашса, Иран курамасы 1 упай менен 3-орунду ээлеп турат. 3-тур оюндары кийинки баскыч ээлерин аныктап берет. Аргентинанын артынан кийинки баскычка чыгууга, албетте, Нигерия жакын. Бирок анын 3-турда Нигерияга каршы ойноорун эске алсак, Иран да аз да болсо мүмкүнчүлүк ээси болуп саналат.

Гол: Питер Одемвингие (29-мүнөттө)

Автор: Максат Кудайбердиев
Фото: Интернеттен алынды