Бразилиядагы Дүйнө чемпиондугу: Бензема, Мюллер, Роббен жана башкалардан турган бомбардирлердин тизмеси

Мелдеште эң көп гол киргизген оюнчу "Adidas" тарабынан "Алтын бутса" сыйлыгы менен сыйланат.

Арьен Роббен. Голландия. Карамагында 3 гол бар.

Голландиялык Робин ван Перси Испаниянын дарбазасына 2 гол, Австралияга 1 гол киргизип, бомбардирлердин тизмесине кошулду.

Карим Бензема. Франция. 3 голдун автору.

3 гол киргизген оюнчулардын баары европалык командаларда ойношот. Эннер Валенсия бомбардирлер тизмесиндеги Түштүк Американын жалгыз өкүлү.

Германиялык Томас Мюллер алгачкы оюнда Португалиянын дарбазасына 3 гол киргизген.

Бразилиядагы футбол боюнча Дүйнө чемпиондугунун 2-тур оюндары жыйынтыкталды. Эки оюнда башкалардан көп гол киргизип, бомбардирлер тизмесинин алдына чыккан оюнчуларды назарыңыздарга коёбуз. Бул биринчиликте көбүнчө ачык футбол ойнолуп жаткандыктан, 2010-жылдагыга салыштырмалуу көп гол кирүүдө.

3 гол киргизген оюнчулар:

Карим Бензема (Франция), Эннер Валенсия (Эквадор), Робин ван Перси (Голландия), Томас Мюллер (Германия), Арьен Роббен (Голландия).

2 гол киргизген оюнчулар:

Андре Айю (Гана), Клинт Демпси (АКШ), Жервиньо (Кот-д'Ивуар), Тим Кэхилл (Австралия), Марио Манжукич (Хорватия), Лионель Месси (Аргентина), Неймар (Бразилия), Луис Суарес (Уругвай), Хамес Родригес (Колумбия).

Кошумчалай кетсек, 2010-жылкы Дүйнө чемпиондугунда Томас Мюллер (Германия), Уэсли Снейдер (Голландия), Давид Вилья (Испания) жана Диего Форлан (Уругвай) бештен гол киргизип, бомбардир аталышкан.

Автор: Максат Кудайбердиев
Фото: Интернеттен алынды