Жалал-Абадда алыш күрөшү боюнча өтмө кубокко арналган мелдеш өттү

Жалал-Абад облусунун Майлы-Суу шаарынын эс алуу багында 21-июнь күнү улуттук алыш күрөшү боюнча өкмөттүн Жалал-Абад облусу боюнча ыйгарым укуктуу өкүлүнүн өтмө кубогуна арналган мелдеши болуп өттү. Бул тууралуу бүгүн, 23-июнда Жалал-Абад ОИИБинин басма сөз кызматы билдирди.

Ага Жалал-Абад облусунун 12 шаар жана райондорунан, ошондой эле Бишкек, Талас, Баткен шаарларынан, Ош облусунун Кара-Суу, Өзгөн жана Ноокат райондорунан катышуучулар келген. Жалпысынан 100дөн ашык спортчу катышты.

Айта кетсек, алыш күрөшүн өткөрүү облус жетекчиси Жусупжан Жээнбеков тарабынан Мамлекеттүүлүктү бекемдөө жылына карата демилгеленген.

Мелдеш Жалал-Абад шаарында биринчи өткөрүлүп, андан кийин Базар-Коргон, Ноокен райондорунда, Майлы-Суу шаарында өтүп, Орозо айы өткөндөн кийин Тогуз-Торо районунда өткөрүү боюнча өтмө кубок акимге тапшырылды.

Оюндун жыйынтыгында жеңүүчүлөргө байгелер ыйгарылып, концерттик программа менен коштолду.

Автор: Айсана Паизова
Фото: Жалал-Абад ОИИБинин басма сөз кызматы