Бразилиядагы Дүйнө чемпиондугу: Криштиану Роналду бүгүн мелдеш менен коштошушу мүмкүн

Бүгүн, 26-июнда Бразилиядагы Дүйнө чемпиондугунун “G” жана “H” тайпаларындагы оюндар менен тайпалык баскыч жыйынтыкталат. Мелдеш менен кайсы командалар коштошору, кайсы командалар сапарын мындан ары улантары ушул күнү белгилүү болот.

“G” тайпасы. 3-тур

“G” тайпасында күрөш акыркы турга чейин жүрүп жатат. Бул тайпада төрттөн упай топтогон Германия менен АКШ өз ара кездешсе, бирден упайга ээ болгон Гана менен Португалия беттешет. Андыктан бүгүнкү оюндардын жыйынтыгында тайпадан биринчи болуп чыкчу команда белгилүү болот. Андан тышкары мүмкүнчүлүгү өтө аз болсо, көпчүлүк коштошкусу келбей жаткан Португалия курамасы акыры мелдеш менен коштошушу мүмкүн. Криштиану Роналду лидерлик кылган команданын тайпадан чыгуусу кереметке гана байланыштуу десек болот.

АКШ - ГЕРМАНИЯ

Башталышы: 22:00 (Бишкек сааты боюнча)

Стадион: Ресифи шаары, “Арена Пернамбуку” стадиону

Калыс: Равшан Ирматов (Өзбекстан)

Калыстын жардамчылары: Бахадыр Кочкаров (Кыргызстан), Абдухамидулло Расулов (Өзбекстан)

ПОРТУГАЛИЯ - ГАНА

Башталышы: 22:00 (Бишкек сааты боюнча)

Стадион: Бразилиа шаары, “Улуттук” стадиону

Калыс: Абдулла Шукралла (Бахрейн)

“H” тайпасы. 3-тур

Бул тайпада Бельгия курамасы тайпада чыгууну камсыздаган. Ал эми калган 3 командада тең тайпадан чыгуу мүмкүнчүлүктөрү бар. Бирок мунун баары бири-биринин жыйынтыктарынан көз каранды. Негизи, экинчи жолдомонун ээси Алжир-Орусия беттешинде чечилиши керек. Бул оюнда жеңген команда кийинки баскычка чыгат. Ал эми тең чыгуу африкалык команданын пайдасына чечилмекчи.

ТҮШТҮК КОРЕЯ - БЕЛЬГИЯ

Башталышы: 02:00 (Бишкек сааты боюнча)

Стадион: Сан-Паулу шаары, “Арена Коринтианс” стадиону

Калыс: Бенжамин Уильямс (Австралия)

АЛЖИР – ОРУСИЯ

Башталышы: 02:00 (Бишкек сааты боюнча)

Стадион: Куритиба шаары, “Арена Байшада” стадиону

Калыс: Гүнейт Чакыр (Түркия)

Автор: Максат Кудайбердиев
Фото: Интернеттен алынды