Бразилиядагы Дүйнө чемпиондугу: 1:0 эсебинде утулуп жаткан Голландия 4 мүнөттө 2 гол киргизип, Мексиканы утуп алды (фоторепортаж)

Тамашалуу түрдө айтканда, мексикалык Х.Эрнандес голландиялык А.Роббенге ийгилик кааласа, Роббен үйүнө кайта турган атаандашына байсалдуу сапар каалап жатат.

Албетте, мексикалыктардын жүзүнөн оюн калысына болгон нааразычылыкты байкоого болот.

Көп өтпөй пенальтиден Хунтелаар голландиялыктарга жеңиш алып келген голду киргизди.

Снейдер оюн эсебин теңеди.

Ачык калган Уэсли Снейдер 88-мүнөттө оюн эсебин теңеди. Анын соккусу өтө катуу ылдамдыкта дарбазага кадалды.

Оюн кызуу уланып жатты.

Машыктыруучулар да майдандагы оюнга өзгөртүү киргизүү аракеттерин көрүп жатышты.

Күндүн ысыганынан жана оюндун жогорку чыңалышта өткөндүгүнөн улам командалар калыстан эс алуу үчүн убакыт сурашты.

Голландиялыктар бир катар кооптуу кырдаалдарды түзүүгө жетишишти.

Оюн андан ары айыгышкан маанайда уланды.

Голландиялыктар кайрадан оюнду ортодон баштоого мажбур болушту.

Оюндун экинчи жарымы башталганда дос Сантос оюн эсебин ачты.

Мексиканын күйөрмандары командасын колдоодо чебер экенин көрсөтүштү. Күйөрмандарга болсо футболчулар өз чеберчиликтерин далилдеп бериши керек эле.

Оюнга старт берилгенге чейин 2 мамлекеттин гимни обого жаңырды.

Голландия курама командасы.

Мексика курама командасы.

Майданга чыкканга чейинки маанай голландиялыктарда ушул сүрөттө көрүнүп тургандагыдай. Жеңишти камсыздоого аракет кылыш керек.

Оюн алдында кийим которуучу жайда мексикалыктардын лидери Жеванни дос Сантос оюнга болгон планы тууралуу ой бөлүшүүдө.

Бразилиядагы Дүйнө чемпиондугунун жарым чейрек финалдык оюндарында (1/8 финал) бүгүн, 29-июндан 30-июнга караган түнү Мексика менен Голландия кез келди. Бул командалардын жакшы даярдыкта экени тайпалык баскычтагы оюндарда байкалган. Бул жолу да командалар 90 мүнөт бою ошол сапаттарын көрсөткөнгө аракет кылышты. Голландия көнүп бүткөн каршы чабуулун арты-артынан уюштуруп жатты. Ал эми Мексика чабуулду коргонуудан баштап, топту каршы дарбазага чейин сүрүп барып жатты. Бул оюнга үстүртөн токтоло турган болсок, голландиялыктар футболдогу “come back” (кыргызчага “кайтып келүү” деп которулат) түшүнүгүн эл эсине салышты. Анткени оюндун экинчи бөлүгүндө атаандаштардын гол киргизүүсүнө жол берген футболчулар оюндун аягында алгач эсепти теңеп, оюнду баштапкы тең чыгуу калыбына кайтарышты жана көп өтпөй чечүүчү голду да жаратканга жетишишти.

Кошумчалай кетсек, голландиялыктарга жеңиш алып келген гол пенальтиден киргизилди. Бирок кагылышууда пенальти коюп берген калыстын пикирине мексикалыктар кошулган жок. Бул пенальти алдыдагы күндөрдө көптөгөн талкууларды жаратышы мүмкүн. Эмнеси болсо да бул күн чейрек финал ээсин аныктап берди. Кош, Мексика, төргө өт, Голландия!

Голдор: Дос Сантос (48-мүнөттө), Снейдер (88-мүнөттө), Хунтелаар (90+4, пенальтиден).

Автор: Максат Кудайбердиев
Фото: Интернеттен алынды

00:20 30-06-2014

Жазылуу

РУБРИКАДАГЫ СОҢКУ КАБАРЛАР

18:29 2025-05-08 | Маданият, шоу-бизнес

Реп-аткаруучу Улукманапо кырк жылкылуу болду 132 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 176 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 275 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 213 0

17:12 2025-05-08 | Коом жана турмуш

“Мектепке кириш, ооруканага баруу кыйын болуп калат” дейт 14 жаштагы Аруужан (видео) 468 0

16:47 2025-05-08 | Түркүн дүйнө

Абу-Дабиге дүйнөдөгү жетинчи Диснейленд паркы курулат (видео) 478 0

Архив

Комментарийлер (10)

asiia03

2014-06-30 00:28:58

Holland, Holland. Aitum bele Holland

NurbekKG

2014-06-30 01:00:05

Алга Нидерланды!

lolalola

2014-06-30 02:44:45

Penalti tuura berildi dep tv dan aityp jatat, kerek bolso 1 taimda da Niderlandyga 1 penalti berilish kerek bolchu eken, any sud'ya korboi kalgan eken...
Oshonduktan baary tuura, ech kandai talkuu bolboit berilgen penalti jonundo...
Final: Germaniya - Niderlandy

Somalimogadishu

2014-06-30 02:50:45

"Летучие голландцы"
Алга!!!!

beka88

2014-06-30 08:21:35

роббен красавчик эн зор ойноду!

ayakosya

2014-06-30 08:39:31

Укмуш оюн болду

JrDosSantos

2014-06-30 08:58:57

Уэсли Снейдер.

Evrazia.

2014-06-30 09:59:43

Робен артистигин коргозду акыркы мунотордо. Ал эми 11м келсек даана так коргозулду таза ойун болчу атин ойунду да бузушту.

Шаиста Шатманова

2014-06-30 12:23:01

Укмуш эле оюн болду. Голландиялыктар 4 мүнөттө абалды 180 градуска өзгөртө алышты. "Снейдер формада эмес", "өзүн көрсөтө албай жатат"... деген өңдүү сындар көп айтылып жатты эле, бул ирет ишке жарады.

Bolo2

2014-06-30 13:59:00

Бали кызыктын баары алдыда али, 1/4 финал мынданда кызыктуу болот

Комментарий калтыруу үчүн өз ысымыңыз менен кириңиз же каттоодон өтүңүз.