Жайкы трансферлер-2014: Адам Лаллана “Ливерпулдун” оюнчусуна айланды

Футболчу күйөрмандары менен коштошуу үчүн бир топ каражатын сарптаган.

Жакында “Ливерпулдун” курамына өткөн Адам Лаллана акыркы сезондо өзү ойногон “Саутгемптондун” күйөрмандары менен коштошуу сөзүн жайгаштыруу үчүн белгилүү басылманын бир бетин толугу менен сатып алды. Бул тууралуу бүгүн, 3-июлда чет элдик маалымат булактары кабарлады.

Маалыматка ылайык, басылманын бир бетин сатып алган футболчу күйөрмандарга төмөнкүчө ыраазычылык билдирди: “14 жыл бою ушул клубдун курамында болдум. Менин эсимде түбөлүк кала турган бул жылдар үчүн терең ыраазычылык билдирем”.

Кошумчалай кетсек, футболчу “Ливерпуль” менен канча жылдык келишимге кол койгону тууралуу так маалымат жок. Ал эми трансфердин суммасы 31 миллион еврону түзгөн.

Автор: Максат Кудайбердиев
Фото: Интернеттен алынды